‘ജന്നത്ത് മിർച്ചി ഐസ്ക്രീം റോൾ’ എന്നാണ് പേര്. ഇൻഡോറിൽ നിന്നുള്ള ഫുഡ് വ്ലോഗർ റിഷബ് സിങാണ് സ്പൂൺസ് ഓഫ് ഇൻഡോർ 2.0 എന്ന യൂട്യൂബ് ചാനലിൽ മുളക് ഐസ്ക്രീമിന്റെ വീഡിയോ പോസ്റ്റ് ചെയ്തത്. കഴിഞ്ഞ വർഷം മുതൽ ട്രെൻഡ് ചെയ്യുന്ന റോൾ ഐസ് ക്രീം രീതിയിലാണ് തയ്യാറാക്കുന്നത്.
വിഡിയോയിൽ തെരുവ് കച്ചവടക്കാരൻ ആദ്യം പച്ചമുളക് മുറിച്ച് ഒപ്പം ന്യൂട്ടെല്ല ചേർക്കുന്നത് കാണാം. പിന്നീട്, പാൽ ക്രീം ഒഴിച്ചു നന്നായി മിക്‌സ് ചെയ്യുന്നത് കാണാം. അതിനുശേഷം, മിശ്രിതം പരത്തി മുറിച്ച ശേഷം റോളുകളാക്കുന്നതും വീഡിയോയിലുണ്ട്. അവസാനം ഒരു പാത്രത്തിലേക്ക് റോൾ ഐസ്ക്രീം മാറ്റിയശേഷം ടോപ്പിംഗ്‌സ് ചേർക്കുന്നത് കാണാം. ഭംഗിക്കായി പച്ചമുളകിന്റെ കഷണങ്ങളും ക്രമീകരിക്കുന്നുണ്ട്. മുളക് ഐസ്ക്രീം കഴിച്ചു നോക്കിയ ഒരാൾ “വളരെയധികം മുളക് ചേർത്തിട്ടുണ്ട്” എന്ന് വിഡിയോയിൽ പറയുന്നതും കാണാം.
വീഡിയോയ്ക്ക് പ്രതീക്ഷിച്ചതുപോലെ സമ്മിശ്ര പ്രതികരണമാണ് ലഭിച്ചത്. കൂടുതൽ പേരും വിമശനവുമായാണ് മുന്നോട്ട് വന്നത്. നമുക്ക് ഫുഡ് അബ്യൂസ് കൺട്രോൾ ബ്യൂറോ ഓഫ് ഇന്ത്യ എന്ന സ്ഥാപനം ആവശ്യമാണ് എന്നാണ് ഒരാളുടെ കമന്റ്. “ഏതായാലും മുളക് ചേർത്തു, കുറച്ച് വെളുത്തുള്ളിയും ഇഞ്ചിയും കൂടെ ചേർത്തോളൂ” എന്നാണ് ഒരാളുടെ പരിഹാസരൂപേണയുള്ള കമന്റ്.
കഴിഞ്ഞ വർഷം
ശ്രദ്ധ നേടിയിരുന്നു. കാന്റീൻ ക്വാറന്റീനോ എന്ന് പേരുള്ള ട്വിറ്റർ ഉപഭോക്താവാണ് ഐസ്ക്രീം വടാപാവിന്റെ വീഡിയോ പോസ്റ്റ് ചെയ്തിരിക്കുന്നത്. 1 മിനിറ്റ് ദൈർഖ്യമുള്ള വിഡിയോയിൽ പാവിൽ പലതരം സിറപ്പുകൾ ആദ്യം ഒഴിക്കുന്നത് കാണാം. പിന്നീട് വാനില ഐസ് ക്രീമിന്റെ ഒരു ഉരുള പാവിന്റെ ഇടയിൽ കയറ്റുന്നു. തുടർന്ന് പല നിറങ്ങളിലുള്ള കുറച്ചു സിറപ്പുകളും ട്യൂട്ടി ഫ്രൂട്ടിയും ഇടുന്നതോടെ ഐസ് ക്രീം വടാപാവ് തയ്യാർ. ഗുജറാത്തിലെ സൂറത്തിലാണ് ഐസ്ക്രീം വടാപാവിന്റെ വില്പന നടക്കുന്നത്.
