കൊച്ചി > സന്തോഷ് ട്രോഫി ഫുട്ബോളില് കേരളം ഫൈനല് റൗണ്ടില് കടന്നു. ദക്ഷിണമേഖലാ ഗ്രൂപ്പ് ബി യോഗ്യതാ മത്സരത്തില് പോണ്ടിച്ചേരിയെ 4 -1 ന് തകര്ത്താണ് കേരളത്തിന്റെ കുതിപ്പ്. ഇരുപതാം മിനിറ്റില് നിജോ ഗില്ബര്ട്ടാണ് പെനാല്ട്ടിയിലൂടെ കേരളത്തിന്റെ ആദ്യ ഗോള് നേടിയത്. അര്ജുന് ജയരാജ്, പി എന് നൗഫല്, വി ബുജൈര് എന്നിവരും കേരളത്തിനായി ഗോള് വല കുലുക്കി. ആന്സണ് ആന്റോയാണ് പോണ്ടിച്ചേരിക്കായി ഗോള് നേടിയത്.
നേരത്തേ ആദ്യ മത്സരത്തില് ലക്ഷദ്വീപിനെതിരെ എതിരില്ലാത്ത അഞ്ച് ഗോളിനും, ആന്റമാനെ ഏകപക്ഷീയമായ ഒന്പത് ഗോളിനും കേരളം തോല്പ്പിച്ചിരുന്നു.
ഫൈനല് റൗണ്ട് മഞ്ചേരിയില് നടക്കും.
