കോഴിക്കോട് > കോഴിക്കോടും ഒമിക്രോൺ ആശങ്ക. യു കെയിൽ 21ന് എത്തിയ കോഴിക്കോട് സ്വദേശിയായ ആരോഗ്യപ്രവർത്തകന് കോവിഡ് സ്ഥിരീകരിച്ചു. 26നാണ് ഇയാൾക്ക് കോവിഡ് സ്ഥിരീകരിച്ചത്. ഇയാളുടെ സ്രവം ജനിതക ശ്രേണീകരണ പരിശോധനയ്ക്ക് അയച്ചതായി കോഴിക്കോട് ഡിഎംഒ ഉമർ ഫറൂഖ് അറിയിച്ചു.
ഇയാളുടെ അമ്മയ്ക്കും കോവിഡ് സ്ഥിരീകരിച്ചിട്ടുണ്ട്. ഇയാളുടെ അമ്മയുടെയും വീട്ടിലെ ജോലിക്കാരുടെയും സ്രവം പരിശോധനയ്ക്ക് എടുത്തിട്ടുണ്ട്. കഴിഞ്ഞമാസം 21ന് നാട്ടിൽ എത്തിയ ശേഷം ഇയാൾ നാല് ജില്ലകളിൽ യാത്ര ചെയ്തിരുന്നു. ഇയാളുടെ സമ്പർക്ക പട്ടിക തയ്യാറാക്കി വിവിധ ജില്ലകൾക്ക് കൈമാറിയതായും കൂടുതൽ വിവരങ്ങൾ ശേഖരിച്ചുവരികയാണെന്നും ഡിഎംഒ അറിയിച്ചു.
