കൊച്ചി: മോഡലുകളുടെ അപകടമരണത്തിന് പിന്നാലെ കൊച്ചി കളമശ്ശേരിയിലുണ്ടായ കാർ അപകടത്തിലും ദുരൂഹത. മകൾക്ക് കാമുകനിൽ നിന്ന് ഭീഷണിയുണ്ടായിരുന്നതായി അപകടത്തിൽ മരിച്ചമൻഫിയയുടെ അമ്മ മാതൃഭൂമി ന്യൂസിനോട് പറഞ്ഞു. മകളെ കൊല്ലുമെന്ന് മകളുടെ സുഹൃത്ത് ഭീഷണിപ്പെടുത്തിയിരുന്നെന്നും അമ്മ പറഞ്ഞു. അപകടശേഷം കാറിലുണ്ടായിരുന്ന ഒരാൾ ഓടി രക്ഷപ്പെട്ടു എന്നതും ദുരൂഹത വർദ്ധിപ്പിക്കുന്നതാണ്.
അപകടശേഷം ഒരാൾ കാറിൽ നിന്ന് ഓടിരക്ഷപ്പെട്ടിരുന്നെന്നും അമ്മ നബീസ പറഞ്ഞു. ഇതാണ് സംഭവത്തിന്റെ ദുരൂഹത വർദ്ധിപ്പിക്കുന്നത്. ഇത് മൻഫിയയുടെ ആൺ സുഹൃത്ത്ആണെന്നാണ് മാതാപിതാക്കൾ പറയുന്നത്. എന്തുകൊണ്ട്ഇയാൾ ഓടി രക്ഷപ്പെട്ടു എന്നുള്ളതാണ് മൻഫിയയുടെ കുടുംബത്തിന്റെ സംശയം.
മൻഫിയയിക്ക് നേരത്തെ തന്നെ ഇയാളിൽ നിന്ന് ഭീഷണിയുണ്ടായിരുന്നതായി മാതാവ് പറഞ്ഞു. നിരവധി തവണ മകളെ ഇയാൾ ഉപദ്രവിച്ചിരുന്നതായും അവർ പറഞ്ഞു.
നവംബർ 30ന് കളമശ്ശേരിയിൽ പുലർച്ചെമണിക്കായിരുന്നു അപകടം സംഭവിച്ചത്. മൻഫിയ സഞ്ചരിച്ചിരുന്ന കാർ നിയന്ത്രണം വിട്ട് മെട്രോ തൂണിലിടിച്ച് അപകടത്തിൽപ്പെടുകയും മൻഫിയ മരിക്കുകയുമായിരുന്നു.
Content Highlights:mystery builds in another road accident in kochi
