വാക്‌സിനെടുക്കാത്ത അധ്യാപകരുടെ പട്ടിക പ്രസിദ്ധീകരിക്കും: മന്ത്രി വി ശിവൻകുട്ടി

തിരുവനന്തപുരം: വാക്സിൻ എടുക്കാത്ത സംസ്ഥാനത്തെ പ്രസിദ്ധീകരിക്കുമെന്ന് വിദ്യാഭ്യാസമന്ത്രി വി ശിവന്‍കുട്ടി. ജില്ല തിരിച്ചുള്ള കണക്കുകൾ ലഭിച്ചിട്ടുണ്ട്. ഇവ ഇന്ന് ഉച്ചയ്ക്ക് ശേഷം പ്രസിദ്ധീകരിക്കുമെന്ന് മന്ത്രി പറഞ്ഞു. വാക്സിൻ എടുക്കാത്തവർ ആരെന്ന് സമൂഹം അറിയണമെന്ന് പറഞ്ഞുകൊണ്ടാണ് മന്ത്രി നിലപാട് വ്യക്തമാക്കിയത്.

വാക്സിൻ എടുക്കാത്ത അധ്യാപകർക്ക് കാരണം കാണിക്കല്‍ നോട്ടിസ് നല്‍കുമെന്നും മന്ത്രി വ്യക്തമാക്കി. സംസ്ഥാനത്ത് അയ്യായിരത്തോളം അധ്യാപകർ വാക്സിൻ എടുക്കാൻ ബാക്കിയുണ്ടെന്നും അവർക്കെതിരെ നടപടി സ്വീകരിക്കുമെന്നും മന്ത്രി കഴിഞ്ഞദിവസം പറഞ്ഞിരുന്നു.

Also Read :

അധ്യാപകരും അനധ്യാപകരും വാക്സിൻ എടുക്കണം വാക്സീൻ എടുക്കാത്തവർ ക്യാമ്പസിന് അകത്ത് പ്രവേശിക്കേണ്ടതില്ല എന്നാണ് മാർഗരേഖ. ഇത് കർശനമായി നടപ്പിലാക്കുമെന്നും മന്ത്രി വി ശിവൻകുട്ടി വ്യക്തമാക്കിയിരുന്നു. വാക്സിൻ എടുക്കുന്നതുമായി ബന്ധപ്പെട്ട് ആരോഗ്യ പ്രശ്നങ്ങൾ ഉള്ളവർ ആരോഗ്യ സമിതിയുടെ റിപ്പോർട്ട് വാങ്ങണമെന്ന നിർദേശവും നേരത്തെ നൽകിയിരുന്നതാണ്.

ആരോഗ്യപരമായ കാരണങ്ങളാലല്ലാതെ വാക്സീൻ എടുക്കാത്തവർ ആഴ്ച തോറും സ്വന്തം ചെലവിൽ ആർടിപിസിആർ പരിശോധന നടത്തിയേ ഹാജരാകാവൂ എന്നും മന്ത്രി നിർദേശിച്ചിരുന്നു. മതവിശ്വാസത്തിന്‍റെ പേരിലും മറ്റു കാരണങ്ങളാലും അധ്യാപകർ വാക്സിനെടുക്കാത്തതിനോട് യോജിപ്പില്ലെന്ന് പ്രതിപക്ഷ നേതാവ് വിഡി സതീശനും വ്യക്തമാക്കിയിരുന്നു.

Also Read :
കുട്ടികളുടെ സുരക്ഷിതത്വം ഏറ്റവും പ്രധാനപ്പെട്ടതാണ്. മതവിശ്വാസത്തിന്‍റെയോ മറ്റെന്തങ്കിലും കാരണത്താലോ വാക്സിൻ എടുക്കാതിരിക്കുന്നതിനോട് യോജിക്കാനാകില്ലെന്നും വിഡി സതീശൻ പറഞ്ഞിരുന്നു.