ചരിത്രത്തിൽ നിന്നും പാഠം ഉൾക്കൊള്ളനാണ് സമൂഹം ശ്രമിക്കേണ്ടത്. എറണാകുളത്ത് മുസ്ലിം ലീഗ് സംഘടിപ്പിച്ച സെമിനാറിൽ സംസാരിക്കുകയായിരുന്നു അദ്ദേഹം. അപകടമുണ്ടാക്കിയ, തകർന്നു പോയ ചരിത്രത്തെ പുനരാവിഷ്കരിക്കാൻ ശ്രമിക്കരുതെന്നും അദ്ദേഹം പറഞ്ഞു.
മലബാർ കലാപത്തിൽ പോരാട്ടം നടത്തിയവരുടെ പ്രവർത്തനങ്ങൾ വലുതാണ്. സമൂഹം പ്രതികരിക്കേണ്ടത് അതാത് കാലത്തിന്റെ അറിവും വിദ്യാഭ്യാസവും വെച്ചുകൊണ്ടാണ്. 1921 ലെ ജനതയ്ക്ക് അങ്ങനെ പ്രതികരിക്കാനെ കഴിയൂ. തകർത്തു കളഞ്ഞ ഒരു ജനതയെ ഉയർത്തിക്കൊണ്ടുവന്ന ചരിത്രമുണ്ട്. ആലി മുസ്ല്യാർ അടക്കമുള്ളവർ സമരത്തിന്റെ പാതയിലേക്ക് പോയപ്പോൾ വരക്കല്‍ മുല്ലക്കോയ തങ്ങൾ ഉൾപ്പെടെയുള്ളവർ അരുതെന്ന് പറയാൻ രംഗത്തു വന്നിട്ടുണ്ട്. മലബാർ കലാപം തകർത്ത മണ്ണിനെ പരിഷ്കരിച്ചെടുത്തത് സീതി സാഹിബാണ്, ബാഫഖി തങ്ങളാണ്.
നിങ്ങൾ കത്തി വലിച്ചെറിയൂ പ്രസംഗിച്ച സിഎച്ച് മുഹമ്മദ് കോയയുണ്ട്. മലബാറിലെ മാപ്പിളമാരുടെ കയ്യിൽ നിന്നും കത്തി വലിച്ചെറിഞ്ഞ് പേന വെച്ചുകൊടുത്ത പ്രസ്ഥാനമാണ് മുസ്ലിം ലീഗ്. ഓർക്കേണ്ട ചരിത്രത്തെ നേരാംവണ്ണം ഓർക്കണമെന്ന് അദ്ദേഹം പറഞ്ഞു. ചരിത്രത്തെ പുനരാവിഷ്കരിച്ച് തീവ്ര പാതയിലേക്ക് ആര് കൊണ്ടുപോകാൻ ശ്രമിച്ചാലും ലീഗ് എതിർക്കുമെന്ന് അദ്ദേഹം പറഞ്ഞു.
