മരണങ്ങളിൽ സോഷ്യൽ ഓഡിറ്റിംഗ് നടത്തണമെന്നും സുരേന്ദ്രൻ ആവശ്യപ്പെട്ടു. സോഷ്യൽ ഓഡിറ്റിംഗിന് മുഖ്യമന്ത്രിക്ക് ധൈര്യമുണ്ടോഎന്നും സുരേന്ദ്രൻ ചോദിച്ചു. അട്ടപ്പാടിയിൽ സർക്കാരിന്‍റെ നേതൃത്വത്തിലുള്ള കരുതിക്കൂട്ടിയ അഴിമതിയാണ് നടക്കുന്നതെന്നും ബി ജെ പി സംസ്ഥാന അധ്യക്ഷൻ ആരോപിച്ചു.
Also Read :
സി പി എം നേതൃത്വത്തിലുള്ള സഹകരണ സംഘങ്ങൾക്ക് സർക്കാർ ഫണ്ട് വകമാറ്റി നൽകി. കേരളം നമ്പർ വൺ എന്നും പട്ടിണി ഇല്ല എന്നും പറയുമ്പോൾ ആദിവാസി അമ്മമാരുടെ കുഞ്ഞുങ്ങൾ മരിച്ച് വീഴുകയാണെന്നും കെ സുരേന്ദ്രൻ പറഞ്ഞു. പാലക്കാട്ട് ബി ജെ പി ജില്ലാ നേതൃയോഗത്തിൽ സംസാരിക്കവെയാണ് അദ്ദേഹത്തിന്‍റെ വാക്കുകൾ.
Also Read :
ശിശുമരണത്തില്‍ ഒന്നാംപ്രതി സംസ്ഥാന സര്‍ക്കാരെന്ന് സുരേന്ദ്രന്‍ കഴിഞ്ഞദിവസവും പറഞ്ഞിരുന്നു. ആദിവാസി വിഭാഗത്തോടുള്ള സര്‍ക്കാരിന്‍റെ അവഗണനയാണ് ഇതിലൂടെ വ്യക്തമാവുന്നത്. ലോകത്തെ ദരിദ്ര രാജ്യങ്ങളില്‍ പോലും സംഭവിക്കാത്ത കാര്യങ്ങളാണ് കേരളത്തില്‍ അടിക്കിടെ ഉണ്ടാവുന്നതെന്നും സുരേന്ദ്രൻ പറഞ്ഞിരുന്നു. ഈ കാലഘട്ടത്തിലും അമ്മമാര്‍ക്ക് പോഷകാഹാര കുറവ് ഉണ്ടാകുന്നുവെങ്കില്‍ സര്‍ക്കാര്‍ ദയനീയ പരാജയമാണെന്ന് പറയേണ്ടി വരുമെന്നും സുരേന്ദ്രന്‍ വിമർശിച്ചിരുന്നു.
