തിരുവനന്തപുരം: പ്രമുഖ എൻട്രപ്രണർഷിപ്പ് പ്രമോഷൻ പ്ലാറ്റ്ഫോമായ ബിസ്ഗേറ്റ് ഫൗണ്ടേഷന്റെ വാർഷിക സംരംഭക പുരസ്കാരങ്ങൾ പ്രഖ്യാപിച്ചു. മികച്ച ബിസിനസ് ജേണലിസ്റ്റിനുള്ള അവാർഡ് മാതൃഭൂമി സീനിയർ ബിസിനസ് കറസ്പോണ്ടന്റ് ആർ. റോഷന് ലഭിച്ചു.
തിരുവനന്തപുരം സ്വദേശിയായ ആർ. റോഷൻ വിജയപാതകൾ, സ്റ്റാർട്ട്അപ്പ്: തുടങ്ങാം പുതുസംരംഭങ്ങൾ, സ്വർണത്തിൽ എങ്ങനെ നിക്ഷേപിക്കാം, ഓഹരിനിക്ഷേപം അറിയേണ്ടതെല്ലാം എന്നീ പുസ്തകങ്ങൾ രചിച്ചിട്ടുണ്ട്.
മാംഗോ മെഡോസ് അഗ്രികൾച്ചറൽ തീം പാർക്ക് ചെയർമാൻ എൻ.കെ. കുര്യൻ, സെറീന ബോട്ടിക് ഫൗണ്ടർ ഷീല ജെയിംസ്, വീഡിയോ ബ്ലോഗർ ജിൻഷ ബഷീർ, എ.എം. നീഡ്സ് മിൽക്ക് ഡെലിവറി ആപ്പ് എന്നിവർക്കാണ് മറ്റ് പുരസ്കാരങ്ങൾ.
ശനിയാഴ്ച തിരുവനന്തപുരത്ത് ഹൈസിന്ത് ഹോട്ടലിൽ നടക്കുന്ന ബിസ്ഗേറ്റ് ഫൗണ്ടേഷന്റെ വാർഷികാഘോഷ ചടങ്ങിൽവെച്ച് ക്ഷീരവികസന വകുപ്പ് മന്ത്രി ജെ. ചിഞ്ചുറാണി അവാർഡുകൾ സമ്മാനിക്കും.
content highlights:r roshan wins bisgate foundation business journalist award
