Also Read:
നവംബര്‍ 8 നാണ് ചെങ്ങന്നൂര്‍ ആല സ്വദേശിനിയായ അദിതി ആറ് മാസം പ്രായമുള്ള കുഞ്ഞിന് വിഷം നല്‍കിയ ശേഷം വിഷം കഴിച്ചു മരിച്ചത്. അദിതി ആത്മഹത്യ ചെയ്യുന്നതിന് രണ്ട് മാസം മുമ്പ് അദിതിയുടെ ഭര്‍ത്താവ് ഹരിപ്പാട് സ്വദേശിയായ സൂര്യന്‍ നമ്പൂതിരിയും ഭര്‍ത്താവിന്റെ അമ്മ ശ്രീദേവി അന്തര്‍ജനവും കൊവിഡ് ബാധിച്ചു അടുത്തടുത്ത ദിവസങ്ങളിലായി മരിച്ചിരുന്നു.
ഭര്‍ത്താവ് മരിച്ച മനോവിഷമത്തിലാണ് യുവതി മകള്‍ക്ക് വിഷം നല്‍കി ആത്മഹത്യ ചെയ്തതെന്നായിരുന്നു ആദ്യം പുറത്തുവന്ന വാര്‍ത്ത. എന്നാല്‍, മാനസിക പീഡനം സഹിക്കാനാവാതെയാണ് മകള്‍ ആത്മഹത്യ ചെയ്തതെന്ന് അച്ഛന്‍ മാധ്യമങ്ങളോട് പറഞ്ഞു. പുതിയ പരാതിയുടെ അടിസ്ഥാനത്തില്‍ അന്വേഷണം ആരംഭിച്ചെന്ന് ചെങ്ങന്നൂര്‍ പോലീസ് അറിയിച്ചു.
ഭര്‍ത്താവിന്റെ അച്ഛന്റെ മാനസിക പീഡനമാണ് എല്ലാത്തിനും കാരണമെന്ന് മരിച്ച അദിതിയുടെ മാതാപിതാക്കളുടെ പരാതിയില്‍ പറയുന്നു. ഭര്‍തൃവീട്ടില്‍ നിന്ന് ഏല്‍ക്കേണ്ടിവന്ന ദുരിതങ്ങളെ കുറിച്ച് മരിക്കുന്നതിന് മുമ്പ് അദിതി തുറന്നുപറയുന്ന വീഡിയോ സന്ദേശവും ആത്മഹത്യാകുറിപ്പും കുടുംബം പുറത്തുവിട്ടു.
Also Read:
ആത്മഹത്യാ കുറിപ്പില്‍ ഭര്‍തൃപിതാവില്‍ നിന്ന് ഏല്‍ക്കേണ്ടി വന്ന മാനസിക പീഡനത്തെ കുറിച്ച് പറയുന്നുണ്ട്. കൊവിഡ് ബാധിച്ച് ഭര്‍ത്താവും ഭര്‍ത്താവിന്റെ അമ്മയും മരിക്കാന്‍ കാരണം കൃത്യമായ ചികിത്സ നല്‍കാത്തത് മൂലമാണെന്നും പറയുന്നു.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല. മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക)
