കൊട്ടാരക്കര > പുലമൺ തോട്ടിൽ ഒഴുക്കിൽപ്പെട്ട് യുവാവ് മരിച്ചു. നെടുമങ്ങാട് വെള്ളനാട് സ്വദേശി എസ് സുനിൽരാജ് (35) ആണ് മരിച്ചത്. ചൊവ്വാഴ്ച പകൽ 11ന് തോട്ടിലേക്ക് ഇറങ്ങിയപ്പോൾ ഒഴുക്കിൽപ്പെടുകയായിരുന്നു.
നാട്ടുകാർ രക്ഷപ്പെടുത്താൻ ശ്രമിച്ചെങ്കിലും കഴിഞ്ഞില്ല. കൊട്ടാരക്കര കോളേജിനു സമീപത്തുള്ള സുരഭി നഗർ ഭാഗത്തുനിന്നാണ് മൃതദേഹം കിട്ടിയത്. മൃതദേഹം കൊട്ടാരക്കര താലൂക്കാശുപത്രിയിൽ.
