Also Read:
ചോദ്യം ചെയ്യലിന് ഹാജരാകണമെന്ന് ആവശ്യപ്പെട്ട് റോയ്ക്ക് പോലീസ് നോട്ടീസ് നൽകിയിരുന്നു. എന്നാൽ അദ്ദേഹം ഹാജരായിരുന്നില്ല. തുടർന്ന് അറസ്റ്റ് ചെയ്യുമെന്ന് മുന്നറിയിപ്പ് നൽകിയ ശേഷമാണ് റോയ് ഇന്ന് എസിപി ഓഫീസിൽ ഹാജരായത്. ഡിജെ പാർട്ടിയുടെ ദൃശ്യങ്ങൾ റോയ് പോലീസിനു മുന്നിൽ ഹാജരാക്കി. സംശയകരമായ ഒന്നും കണ്ടെത്താൻ സാധിച്ചിട്ടില്ലെന്ന് ദൃശ്യങ്ങൾ പരിശോധിച്ച ശേഷം പോലീസ് പറഞ്ഞു.
മിസ് കേരള വിജയികളായ അൻസി കബീർ ,അഞ്ജന ഷാജൻ എന്നിവരുടെ മരണവുമായി ബന്ധപ്പെട്ടാണ് ഡിജെ പാർട്ടി നടന്ന ഹോട്ടലുടമയെ ചോദ്യം ചെയ്യാൻ വിളിപ്പിച്ചത്. ഇന്ന് രാവിലെ 10.30 നാണ് റോയ് വയലാട്ട് ചോദ്യം ചെയ്യലിന് ഹാജരായത്. അസിസ്റ്റന്‍റ് കമ്മീഷണർ നിസാമുദ്ദീന്‍റെ നേതൃത്വത്തിലാണ് ഇയാളെ ചോദ്യം ചെയ്തത്.
Also Read:
നേരത്തെ ദൃശ്യങ്ങൾ നശിപ്പിച്ചെന്ന് ഹോട്ടൽ ജീവനക്കാർ മൊഴി നൽകിയ ഡിവിആറുകളിൽ ഒന്നാണ് റോയ് പോലീസിന് കൈമാറിയതെന്ന് എസിപി വ്യക്തമാക്കി. മുൻ മിസ് കേരളയും മോഡലുമായ അൻസി കബീറും റണ്ണറപ്പായ അഞ്ജന ഷാജനും സുഹൃത്ത് മുഹമ്മദ് ആഷിഖുമായിരുന്നു കാറപകടത്തിൽ കൊല്ലപ്പെട്ടത്. ഡിജെ പാർട്ടി കഴിഞ്ഞ് മടങ്ങുന്നതിനിടെയായിരുന്നു റോഡ് അപകടം നടന്നത്. അപകടത്തിനിടയാക്കിയ കാറോടിച്ചിരുന്നത് മാള സ്വദേശിയായ അബ്ദുള്‍ റഹ്മാനാണ്. ഇയാളെ നേരത്തെ പോലീസ് അറസ്റ്റ് ചെയ്തിരുന്നു.
