Also Read:
തീ‍ര്‍ത്ഥാടകരുടെ സുരക്ഷയ്ക്കായാണ് കൊവിഡ് നിയന്ത്രണങ്ങൾ ഏ‍ര്‍പ്പെടുത്തിയത്. തീര്ത്ഥാടകര്ക്ക് ഒരുക്കിയ സൗകര്യങ്ങളിൽ കുറവുണ്ടെങ്കിൽ പരിഹരിക്കും. നിലവിൽ 13 ലക്ഷം പേര്‍ ഓൺലൈനായി ദര്‍ശനം നടത്തുന്നതിന് രജിസ്റ്റ‍ര്‍ ചെയ്തിട്ടുണ്ട്. പമ്പയിൽ ജലനിരപ്പ് ഉയ‍ര്‍ന്നതിനാലാണ് സ്നാനം ചെയ്യാൻ അനുവദിക്കാത്തത്.
ശക്തമായ മഴയിൽ തകര്ന്ന പമ്പയിലെ ഞുണങ്ങാ‍ര്‍ പാലം പുനര്‍നിര്‍മ്മിക്കും. പ്രകൃതിക്ഷോഭം മൂലം നിര്‍മ്മാണ പ്രവര്‍ത്തികൾ തടസപ്പെട്ടിരുന്നുവെന്ന് മന്ത്രി പറഞ്ഞു. മഴയിൽ തകര്ന്ന റോഡുകളുടെ പുനരുദ്ധാരണ പ്രവര്‍ത്തികൾ എത്രയും വേഗം പൂ‍ര്‍ത്തിയാക്കും. പ്രകൃതി ക്ഷോഭത്തിന്റെ പശ്ചാത്തലത്തിൽ ജനങ്ങൾ ആശങ്കപ്പെടേണ്ടതില്ലെന്ന് മന്ത്രി പറഞ്ഞു.
Also Read:
ഭക്തരുടെ എണ്ണം അനുസരിച്ച് നിലവിൽ ഉപയോഗിക്കുന്ന സ്വാമി അയ്യപ്പൻ റോഡിനു പുറമേ നീലിമല-അപ്പാച്ചിമേട് വഴിയുള്ള പരമ്പരാഗത ശബരിമല പാത മല ഇറങ്ങുന്നതിനായി തുറന്നുകൊടുക്കുന്നത് പരിഗണിക്കും. ഈ പാതയിലെ രണ്ട് ആരോഗ്യ കേന്ദ്രങ്ങൾ സജ്ജമാക്കും. കൂടാതെ ഇവിടേക്കു വേണ്ട വെളിച്ചം സജ്ജമാക്കുന്നതിന് ഉദ്യോഗസ്ഥ‍ര്‍ക്ക് നിര്‍ദ്ദേശം നൽകിയിട്ടുണ്ട്.
തീര്ത്ഥാടകര്ക്ക് കുടിക്കുന്നതിനും കുളിക്കുന്നതിനും ആവശ്യമായ ജലം സംഭരിച്ചിട്ടുണ്ട്. ഇ-ടോയ്ലെറ്റ്, ബയോ ടോയ്ലെറ്റ് എന്നിവയുടെ എണ്ണം വ‍ര്‍ദ്ധിപ്പിക്കും. അതത് സമയത്തെ പ്രവ‍ര്‍ത്തനങ്ങൾ വിലയിരുത്തിയ ശേഷമായിരിക്കും പ്രവ‍ര്‍ത്തനങ്ങളിൽ ആവശ്യമായ മാറ്റങ്ങൾ വരുത്തുകയെന്ന് ദേവസ്വം മന്ത്രി പറഞ്ഞു.
