തിരുവനന്തപുരം> നടന് ജോജു ജോര്ജിന് നേരെ ഷൂട്ടിംഗ് തടഞ്ഞ് കോണ്ഗ്രസ് ക്രിമിനലുകള് നടത്തുന്ന ജനാധിപത്യവിരുദ്ധതയ്ക്കെതിരെയും കലാകാരന്മാരുടെ ആവിഷ്കാരസ്വാതന്ത്യത്തിനു വേണ്ടിയും പുരോഗമന കലാ സാഹിത്യസംഘം മാനവീയം യൂണിറ്റ് സാംസ്കാരിക പ്രതിഷേധം സംഘടിപ്പിച്ചു. വെള്ളയമ്പലം – മാനവീയം വീഥിയില് ചേര്ന്ന കൂട്ടായ്മ പുകസ സംസ്ഥാന കൗണ്സില് അംഗം കെ ജി സൂരജ് ഉദ്ഘാടനം ചെയ്തു.
യൂണിറ്റ് പ്രസിഡന്റ് എ ജി വിനീത് അധ്യക്ഷനായി. ഡോ. ബി. ജയരാജ്, ദേവന് നാരായണന്, ഡോ. ബിജു കെ എസ്, രതീഷ് ഈറ്റില്ലം, ഗണേഷ് ഒലിക്കര എന്നിവര് സംസാരിച്ചു. യൂണിറ്റ് സെക്രട്ടറി മനു മാധവന് സ്വാഗതവും അനില്കുമാര് എസ് നന്ദിയും പറഞ്ഞു.
