കോഴിക്കോട്: കോൺഗ്രസ് ഗ്രൂപ്പ് യോഗം നടക്കുന്നതറിഞ്ഞ് റിപ്പോർട്ട് ചെയ്യാനെത്തിയ മാധ്യമ പ്രവർത്തകർക്ക് നേരെ ആക്രമണം. കല്ലായ് റോഡിലെ വുഡീസ് ഹോട്ടലിൽ എത്തിയ മാതൃഭൂമി ഫോട്ടോഗ്രാഫർ സാജൻ വി നമ്പ്യാർക്കാണ് മർദനമേറ്റത്.
ഒപ്പമുണ്ടായിരുന്ന ഏഷ്യാനെറ്റ് ന്യൂസിലെ സി ആർ. രാജേഷ്, കൈരളിയിലെ മേഘ എന്നിവരെ തടഞ്ഞുവെക്കുകയും ചെയ്തു.കെ.പി.സി.സി വർക്കിങ് പ്രസിഡന്റ് ടി. സിദ്ദീഖിന്റെ അനുകൂലികളാണ് രഹസ്യയോഗം ചേർന്നത്. മുൻ ഡി.സി.സി പ്രസിഡന്റ് യു. രാജീവൻ മാസ്റ്ററുടെ നേതൃത്വത്തിലായിരുന്നു യോഗം.
സാജനെ പി.വി.എസ് ആശുപത്രിയിൽ പ്രവേശിപ്പിച്ചു. ഇന്ന് രാവിലെയാണ് മുൻ ഡി.സി.സി പ്രസിഡന്റ് രജീവൻ മാസ്റ്ററുടെ നേതൃത്വത്തിൽ യോഗം ചേർന്നത്.
Content Higghlights: Journalists beaten up by Congress workers
