പി ജയരാജൻ ഖാദി ബോര്‍ഡ് വൈസ് ചെയര്‍മാനാകും; നോര്‍ക്കയിലേക്ക് പി ശ്രീരാമകൃഷ്ണൻ

തിരുവനന്തപുരം: സി പി എം സംസ്ഥാന കമ്മിറ്റി അംഗവും മുൻ കണ്ണൂര്‍ ജില്ലാ സെക്രട്ടറിയുമായിരുന്ന പി ജയരാജൻ ഖാദി ബോര്‍ഡ് വൈസ് ചെയര്‍മാൻ സ്ഥാനത്തേക്ക്. സി പി എം സംസ്ഥാന സെക്രട്ടറിയേറ്റിൽ ആണ് തീരുമാനമെടുത്തിരിക്കുന്നത്.

Also Read :
അതിനൊപ്പം മുൻ സ്പീക്കര്‍ പി ശ്രീരാമ കൃഷ്ണനെ നോര്‍ക്ക വൈസ് ചെയര്‍മാനാക്കാനും തീരുമാനമായിട്ടുണ്ട്. മുൻ ഖാദി ബോര്‍ഡ് വൈസ് ചെയര്‍പേഴ്സണായ ശോഭനാ ജോര്‍ജിന് ഔഷധി ചെയര്‍പേഴ്സണാക്കുമെന്നാണ് മാതൃഭൂമി റിപ്പോര്‍ട്ട് ചെയ്യുന്നത്.

Also Read :

സി പി എം വിട്ട് കോൺഗ്രസിലേക്ക് മടങ്ങിയെത്തിയ ചെറിയാൻ ഫിലിപ്പിനെയായിരുന്നു ആദ്യം ഖാദി ബോര്‍ഡിലേക്ക് പരിഗണിച്ചിരുന്നത്. ന്യൂനപക്ഷ വികസന ധനകാര്യ കോര്‍പ്പറേഷൻ ചെയര്‍മാൻ സ്ഥാനം കേരളാ കോൺഗ്രസ് എമ്മിന് നേരത്തെ നൽകിയിരുന്നു.

Also Read :

കെ കെ ലതികയെ വനിതാ വികസന കോര്‍പ്പറേഷൻ ചെയര്‍പേഴ്സണാക്കും. നോര്‍ക്ക വൈസ് ചെയര്‍മാനായിരുന്ന കെ വരദരാജനെ കെ എസ് എഫ് ഇ ചെയര്‍മാന്‍ സ്ഥാനത്തേക്കും പരിഗണിക്കുന്നുണ്ട്.

Also Read :
തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് സ്ഥാനത്തേക്കും പുതിയ ആള്‍ എത്തുമെന്നാണ് റിപ്പോര്‍ട്ടുകള്‍. നിലവിലെ പ്രസിഡന്റ് എൻ വാസുവിന്റെ കാലാവധി അവസാനിക്കുന്നതാണ് ഇതിന് കാരണം. ബോര്‍ഡിന്റെ കാലാവധി നീട്ടേണ്ട എന്നാണ് സി പി എം തീരുമാനം.