ആർ എം പിയുടെ കമ്മ്യൂണിസ്റ്റ് വിരുദ്ധ നിലപാടും രാഷ്ട്രീയ പാപ്പരത്തത്തിലും പ്രതിഷേധിച്ചാണ് പാർട്ടിയിൽ നിന്ന് രാജിവെച്ചതെന്നാണ് പ്രവർത്തകർ പറയുന്നത്. വടകര ഏരിയ സെക്രട്ടറിയായിരുന്ന കെ ലിനീഷ് ആർ എം പിയുടെ ജില്ലാ സെക്രട്ടറിയേറ്റ് അംഗവുമായിരുന്നു. മണിയൂരിലെ ടി പി ബിബീഷ്, ജിതിൻ ജയരാജ്‌, ബാബു കല്ലറക്കൽ, അശോകൻ എൻ കെ, അനീഷ് ചന്ദ്രോത്ത് (, സുധീഷ് കരിപ്പള്ളി, ശശി കരിപ്പള്ളി, രാജേഷ് കരിപ്പള്ളി , ബാബു കണിയാൻകുനി, ഷംസുദീൻ ചന്ദ്രോത്ത് , ഷാജീവൻ കയ്യാല , ലിഗേഷ് വടയക്കണ്ടി, സീന കരിപ്പള്ളി തുടങ്ങിയ സജീവ പ്രവർത്തകരാണ് ആർ എം പി ബന്ധം ഉപേക്ഷിച്ചതെന്ന് ദേശാഭിമാനി റിപ്പോർട്ട് ചെയ്തു.
Also Read :
വരും ദിവസങ്ങളിൽ ഒഞ്ചിയം മേഖലയിൽ നിന്ന് കൂടുതൽ പേർ ആർ എം പി ബന്ധം ഉപേക്ഷിക്കുമെന്നാണ് പാർട്ടി വിട്ടവർ പറയുന്നത്. അവസരവാദ രാഷ്ട്രീയത്തോട് ഒഞ്ചിയം വിടപറയുകയാണെന്നും ആര്‍ എം പി യില്‍ നിന്നും രാജി തുടരുകയാണെന്നും സി പി എം ഒഞ്ചിയം ഏരിയാ സെക്രട്ടറി ടി പി ബിനീഷ് പ്രതികരിച്ചു.
Also Read :
നാദാപുരം റോഡ് എ കെ ജി മന്ദിരത്തിൽ നടന്ന ചടങ്ങിലാണ് ആർ എം പി വിട്ടെത്തിയവരെ സ്വീകരിച്ചത്. സി പി എം ജില്ലാ സെക്രട്ടറിയ്ക്ക് പുറമെ ജില്ലാ സെക്രട്ടറിയറ്റംഗങ്ങളും വടകര ഏരിയ സെക്രട്ടറിയും ചടങ്ങിൽ പങ്കെടുത്തു.
