തിരുവനന്തപുരം: രാജ്യസഭയിലേക്ക് വീണ്ടും മത്സരിക്കുന്ന കേരളാ കോൺഗ്രസ് എം. ചെയർമാൻ ജോസ് കെ. മാണിയെ പരിഹസിച്ച് കോൺഗ്രസ് വക്താവ് രാഹുൽ മാങ്കൂട്ടത്തിൽ. ഫെയ്സ്ബുക്ക് കുറിപ്പിലൂടെയാണ് രാഹുലിന്റെ പരിഹാസം.
ലോക്സഭാ എം.പി. സ്ഥാനം രാജിവെച്ച് രാജ്യസഭാ എം.പി. ആയതിനെയും പിന്നെ മുന്നണി മാറി, രാജ്യസഭാ എം.പി. സ്ഥാനം രാജിവെച്ച് നിയമസഭയിലേക്ക് മത്സരിച്ച് പരാജയപ്പെട്ടതിനെയും രാഹുൽ കുറിപ്പിൽ വിമർശിക്കുന്നു. ഇനി അടുത്തത് മരങ്ങാട്ടുപ്പള്ളി പഞ്ചായത്തിലേക്കുള്ള മത്സരം- എന്ന പരിഹാസത്തോടെയാണ് രാഹുൽ കുറിപ്പ് അവസാനിപ്പിക്കുന്നത്.
രാഹുലിന്റെ ഫെയ്സ്ബുക്ക് കുറിപ്പിന്റെ പൂർണരൂപം
ഒരു മുന്നണിയിൽ നിന്ന് ലോക്സഭാ മെമ്പറാകുന്നു,
അതിന്റെ കാലാവധി തീരും മുമ്പ് രാജി വെച്ച് രാജ്യസഭയിൽ മെമ്പറാകുന്നു,
ആ കാലാവധി തിരും മുൻപ് മുന്നണി മാറി മറ്റൊരു മുന്നണിയിൽ ചേരുന്നു,
രാജ്യസഭാ മെമ്പർ സ്ഥാനം ഒഴിഞ്ഞ് നിയമസഭയിൽ മത്സരിക്കുന്നു,
നിയമസഭയിൽ തോൽക്കുമ്പോൾ വീണ്ടും മുന്നണിയിൽ സമ്മർദം ചെലുത്തി രാജ്യസഭയിലേക്ക് മത്സരിക്കുന്നു.
ഇനി അടുത്തത് മരങ്ങാട്ടുപ്പള്ളി പഞ്ചായത്തിലേക്കുള്ള മത്സരം!
content highlights:rahul mamkootathil criticises jose k mani over rajyasabha candidature
