Also Read:
‘അമ്മയ്‌ക്കൊപ്പം ഫ്രീയായ ശേഷം എല്ലാ കാര്യങ്ങളും മാധ്യമങ്ങളോട് പറയും. നിങ്ങളുടെ എല്ലാ ചോദ്യങ്ങള്‍ക്കും ഉത്തരം ഉണ്ടാകും’, സ്വപ്‌ന പറഞ്ഞു. ‘അഭിഭാഷകനുമായി കേസിനെ കുറിച്ച് വിശദമായി സംസാരിച്ചു. ഇക്കാര്യത്തില്‍ തിടുക്കപ്പെട്ട് പ്രതികരിക്കാനാകില്ല’, സ്വപ്‌ന സുരേഷ് കൂട്ടിച്ചേര്‍ത്തു.
ജയിലില്‍ നിന്നിറങ്ങിയ ശേഷം ആദ്യമായാണ് സ്വപ്‌ന പ്രതികരിക്കുന്നത്. ജയില്‍ മോചിതയായ ശേഷം പിന്നെപ്പറയാം എന്ന ഒറ്റവാക്കില്‍ പറഞ്ഞ് ഒതുക്കുകയായിരുന്നു. 2020 ജൂലൈ 11 ന് അറസ്റ്റിലായ സ്വപ്‌ന 15 മാസവും 25 ദിവസവും കസ്റ്റഡിയില്‍ ആയിരുന്നു. കഴിഞ്ഞ ശനിയാഴ്ചയാണ് സ്വപ്‌ന സുരേഷ് ജയിലില്‍ നിന്ന് പുറത്തിറങ്ങിയത്. സ്വര്‍ണക്കടത്ത് കേസില്‍ അറസ്റ്റിലായി ഒരു വര്‍ഷത്തിന് ശേഷമാണ് സ്വപ്‌ന പുറത്തിറങ്ങിയത്.
Also Read:
എന്‍ഐഎ കേസ്, സ്വര്‍ണക്കടത്ത്, ഡോളര്‍ കടത്ത്, വ്യാജരേഖ ചമയ്ക്കല്‍ തുടങ്ങി സ്വപ്‌ന പ്രതിയായ ആറ് കേസുകളിലും കോടതി ജാമ്യം നല്‍കിയിരുന്നു. 2020 ജൂണ്‍ 30 ന് തിരുവനന്തപുരം രാജ്യാന്തര വിമാനത്താവളത്തില്‍ എത്തിയ നയതന്ത്ര ബാഗേജില്‍ നിന്ന് 13.5 കോടി രൂപ വിലമതിക്കുന്ന 30 കിഗ്രാം സ്വര്‍ണം പിടിച്ചതാണ് കേസിലേക്ക് നയിച്ചത്.
