Also Read:
കാമ്പസില്‍ നിന്ന് പഠനം പൂര്‍ത്തിയാക്കി പുറത്തിറങ്ങിയ കുറച്ചുപേര്‍ ശനിയാഴ്ച രാത്രി ഹോസ്റ്റലില്‍ എത്തിയിരുന്നതായി സഹപാഠികള്‍ പറഞ്ഞു. ഇവരെല്ലാം പോയതിന് ശേഷം രാത്രി 12 മണിയ്ക്കാണ് മഹേഷിനെ തൂങ്ങി മരിച്ച നിലയില്‍ കണ്ടെത്തിയത്.
മരണത്തില്‍ ദുരൂഹത ഉണ്ടെന്ന് എസ്എഫ്‌ഐ പരാതി നല്‍കി. സംഭവത്തില്‍ അന്വേഷണം ആവശ്യപ്പെട്ട് ജില്ലാ പോലീസ് മേധാവിയ്ക്ക് എസ്എഫ്‌ഐ പരാതി നല്‍കി. ഇതിന് മുമ്പും നിരവധി തവണ റാഗിങ്ങിന്റെ ഭാഗമായി പരാതി ഉയര്‍ന്നിട്ടും അധികൃതര്‍ വേണ്ട നടപടികള്‍ കൈക്കൊണ്ടിട്ടില്ലെന്ന് ആരോപണം ഉയരുന്നുണ്ട്.
Also Read:
മഹേഷിന് വീട്ടില്‍ യാതൊരു പ്രശ്‌നങ്ങളും ഉണ്ടായിരുന്നില്ലെന്ന് ബന്ധുക്കള്‍ വ്യക്തമാക്കി. മഹേഷിന്റെ ആത്മഹത്യാ കുറിപ്പ് കണ്ടെത്തിയതായി പോലീസ് പറഞ്ഞു. ഇതില്‍ റാഗിങ്ങിനെ കുറിച്ച് ഒന്നും പരാമര്‍ശിച്ചിട്ടില്ല. പ്രണയബന്ധം തകര്‍ന്നതാണോ ആത്മഹത്യയിലേക്ക് നയിച്ചതോയെന്ന് പോലീസിന് സംശയമുണ്ട്. മഹേഷിന്റെ ഫോണ്‍ പരിശോധിക്കുകയാണ്. പോലീസ് സഹപാഠികളുടെ മൊഴി എടുത്തതായി ഏഷ്യാനെറ്റ് ന്യൂസ് റിപ്പോര്‍ട്ട് ചെയ്തു.
