കൊച്ചി: മന്ത്രി റോഷി അഗസ്റ്റിൻ്റെ പിതാവ് അന്തരിച്ചു. രാമപുരം ചക്കാൻപുഴ ചെറുനിലത്ത് ചാലിൽ അഗസ്റ്റിൻ തോമസ് ആണ് മരിച്ചത്. 78 വയസായിരുന്നു. സംസ്കാരം ചൊവ്വാഴ്ച നടക്കുമെന്ന് കൈരളി ന്യൂസ് റിപ്പോര്‍ട്ട് ചെയ്തു. റോഷി അഗസ്റ്റിൻ, റീന, റിജോഷ് എന്നിവര്‍ മക്കളാണ്.
പിതാവിൻ്റെ മരണം മന്ത്രി റോഷി അഗസ്റ്റിനു ഫേസ്ബുക്ക് പോസ്റ്റിലൂടെ അറിയിച്ചിട്ടുണ്ട്. “എനിക്ക് കരുത്തും ആശ്രയവും ആയിരുന്ന ഞങ്ങളുടെ പ്രിയപ്പെട്ട അപ്പച്ചൻ ഇന്ന് രാവിലെ ഞങ്ങളെ വിട്ടു പിരിഞ്ഞു പോയി.” അദ്ദേഹം ഫേസ്ബുക്ക് പോസ്റ്റിലൂടെ അറിയിച്ചു. ചൊവ്വാഴ്ച രാവിലെ പത്ത് മണിക്ക് ചക്കാമ്പുഴ ലോറെത്ത് മാതാ പള്ളി സെമിത്തേരിയിൽ സംസ്കാരം നടക്കുമെന്നും മന്ത്രി കുറിപ്പിൽ വ്യക്തമാക്കി.
Also Read:
