ആക്രമണം പെട്ടന്നുള്ള പ്രകോപനത്തിൽ; കുറ്റസമ്മതം നടത്തി ഡാനിഷ്

തിരുവനന്തപുരം: ചിറയിൻകീഴ് ദുരഭിമാന മര്‍ദ്ദനത്തിൽ കുറ്റം സമ്മതിച്ച് പ്രതി ഡാനിഷ്. മര്‍ദ്ദനം നടന്ന ആനത്തലവട്ടത്ത് പ്രതിയെ എത്തിച്ച് തെളിവുകള്‍ ശേഖരിച്ചു. പെട്ടന്നുള്ള പ്രകോപനത്തിലാണ് മര്‍ദ്ദിച്ചത് എന്നാണ് ഡാനിഷിന്റെ മൊഴി.

ഊട്ടിയിലെ ഒരു റിസോർട്ടിൽ നിന്നുമാണ് തിരുവനന്തപുരം റൂറൽ എസ് പിയുടെ നേതൃത്വത്തിലുള്ള പ്രത്യേക അന്വേഷണ സംഘം ഡാനിഷിനെ അറസ്റ്റ് ചെയ്തത്.

Also Read :

മതംമാറാൻ കൂട്ടാക്കാത്തതിനെ തുടര്‍ന്നാണ് ദീപ്തിയുടെ മുന്നിൽ വച്ച് ഭര്‍ത്താവ് മിഥുനെ ഡാനിഷ് ക്രൂരമായി മര്‍ദ്ദിച്ചത്. ഗുരുതര പരിക്ക് പറ്റിയ ഡാനിഷ് തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിലാണുള്ളത്. സാമ്പത്തികമായി പിന്നോക്കം നിൽക്കുന്ന കുടുംബത്തിലെ അംഗമായ മിഥുൻ പ്രണയിച്ചാണ് വിവാഹം കഴിച്ചത്.

കഴിഞ്ഞ ആഴ്ചയാണ് ലാറ്റിന്‍കത്തോലിക്ക വിഭാഗത്തില്‍പ്പെട്ട ദീപ്തിയും ഹിന്ദു തണ്ടാര്‍ വിഭാഗത്തില്‍പ്പെട്ട മിഥുനും വിവാഹിതരായത്. ഒക്ടോബര്‍ 29ന് ബോണക്കാട് വെച്ചായിരുന്നു വിവാഹം. എന്നാല്‍ ദീപ്തിയുടെ വീട്ടുകാര്‍ വിവാഹത്തെ എതിര്‍ത്തു.

Also Read :
പള്ളിയില്‍ നിന്ന് വിവാഹം കഴിക്കുന്നത് സംബന്ധിച്ച് സംസാരിക്കാനായി വരണമെന്ന് പറഞ്ഞാണ് ഡാനിഷ് സഹോദരിയെയും ഭര്‍ത്താവിനെയും വിളിച്ചു വരുത്തിയത്. മതം മാറണമെന്നുമായിരുന്നു ആവശ്യം ഇത് എതിര്‍ത്തതോടെ വീട്ടിലെത്തി അമ്മയെ കണ്ട് പോകാന്‍ ഡാനിഷ് ഇരുവരോടും ആവശ്യപ്പെട്ടു. പിന്നീടായിരുന്നു മര്‍ദ്ദനം.

ദീപ്തിയുടെ പരാതിയിൽ ഡാനിഷിന്റെ വീട്ടിലെത്തി പോലീസ് ചോദ്യം ചെയ്തുവെങ്കിലും ഇയാളെ കസ്റ്റഡിയിലെടുത്തില്ല. സംഭവം വിവാദമായതിന് പിന്നാലെ ഡാനിഷ് ഒളിവിൽ പോയി. രണ്ട് ദിവസമായി തമിഴ്നാട്ടിൽ ഡാനിഷിനെ പിടികൂടിയത്.

Also Read :

എസ്സി എസ്ടി വിഭാഗങ്ങള്‍ക്കെതിരായ അതിക്രമങ്ങള്‍ തടസ്സൽ നിയമനം, വധശ്രമം എന്നീ വകുപ്പുകള്‍ പ്രകാരമാണ് ഡാനിഷിനെതിരെ കേസെടുത്തിരിക്കുന്നതെന്ന് ഏഷ്യാനെറ്റ് ന്യൂസ് റിപ്പോര്‍ട്ട് ചെയ്യുന്നത്.