കെപിസിസി പുനഃസംഘടനയുമായി മുന്നോട്ട് പോകും. തെരഞ്ഞെടുപ്പ് നടത്തുന്ന എഐസിസിയാണെന്നും അദ്ദേഹം വ്യക്തമാക്കിയതായി ഏഷ്യാനെറ്റ് ന്യൂസ് റിപ്പോർട്ട് ചെയ്തു.
പുനഃസംഘടനയും അംഗത്വവിതരണവും അതിൻ്റെ വഴിക്ക് നടക്കും. നിർവാഹക സമിതിയിൽ പുനഃസംഘടനയെ 14 ഡിസിസി പ്രസിഡൻ്റുമാരും പിന്തുണച്ചു. നിർവാഹക സമിതിയിൽ അഞ്ച് പേർ മാത്രമാണ് പുനഃസംഘടനയോട് എതിർപ്പ് പ്രകടിപ്പിച്ചത്. യൂണിറ്റ് കമ്മിറ്റീൾ മുഖേനെ അംഗത്വവിതരണം നടത്താനും തീരുമാനമായെന്ന് കെപിസിസി പ്രസിഡൻ്റ് പറഞ്ഞു.
കേന്ദ്ര നേതൃത്വം നിർദേശിച്ചാൽ പുനഃസംഘടന നിർത്തിവെക്കാൻ ഒരുക്കമാണ്. എന്നാൽ, അങ്ങനെയൊരു നടപടി പ്രതീക്ഷിക്കുന്നില്ല. പുനഃസംഘടന അടിയന്തരമായി നടത്തണമെന്നാണ് കേന്ദ്ര നേതൃത്വം നൽകിയിരിക്കുന്ന നിർദേശം. കർണാടകയും ആന്ധ്രയും കേരളത്തിലെ കോൺഗ്രസിൻ്റെ പ്രവർത്തനശൈലി കണ്ട് മനസിലാക്കാൻ എത്തുമെന്നും കെ സുധാകരൻ പറഞ്ഞതായി മനോരമ ന്യൂസ് റിപ്പോർട്ട് ചെയ്തു.
സംഘടനാ തെരഞ്ഞെടുപ്പ് പ്രഖ്യാപിച്ച പശ്ചാത്തലത്തിൽ സംസ്ഥാന കോൺഗ്രസിൽ പുനഃസംഘടന നടത്തേണ്ട ആവശ്യമില്ലെന്ന നിലപാടിലാണ് എ, ഐ ഗ്രൂപ്പുകൾ. സംഘടന തെരഞ്ഞെടുപ്പെന്ന സമ്പൂർണ നേതൃയോഗ തീരുമാനം നിർവാഹക സമിതി ചർച്ച വഴിമാറിക്കൊടുക്കാൻ കഴിയില്ലെന്നാണ് ഗ്രൂപ്പുകൾ പറയുന്നത്. തർക്കം രൂക്ഷമായതോടെ ഇക്കാര്യത്തിൽ അന്തിമതീരുമാനം ഹൈക്കമാൻഡ് സ്വീകരിക്കുമെന്നും തീരുമാനം ദേശീയ നേതൃത്വത്തിന് വിടുമെന്നും കെപിസിസി പ്രസിഡൻ്റ് കെ സുധാകരൻ നേതൃ യോഗത്തിൽ പ്രഖ്യാപിച്ചത് മാറ്റരുതെന്നും ഗ്രൂപ്പുകൾ ആവശ്യപ്പെട്ടു.
കഴിഞ്ഞ ദിവസം ചേർന്ന കെപിസിസി പുനഃസംഘടനയ്ക്ക് ശേഷമുള്ള ആദ്യയോഗത്തിൽ പുനസംഘടനയ്ക്കെതിരെ നിലപാട് സ്വീകരിച്ചത് കെ ബാബുവാണ്. കെപിസിസി പ്രസിഡൻ്റ് തന്നെ തെരഞ്ഞെടുപ്പിൽ മത്സരിക്കുമെന്ന് പ്രഖ്യാപിച്ച സാഹചര്യത്തിൽ പുനസംഘടനയുടെ ആവശ്യമില്ലെന്ന് കെ ബാബു അറിയിച്ചു. ഇതിന് പിന്തുണയുമായി എ ഗ്രൂപ്പ് നേതാക്കളായ കെ സി ജോസഫും ബെന്നി ബഹന്നാനും രംഗത്തുവന്നു. കോൺഗ്രസ് പാർട്ടിക്ക് നിർണായകമായ സംഘടനാ തെരഞ്ഞെടുപ്പിന് മേൽനോട്ടം വഹിക്കേണ്ട അധ്യക്ഷൻ മത്സരരംഗത്ത് എത്തിയാൽ കോൺഗ്രസിൽ എങ്ങനെ സമവായം ഉണ്ടാക്കാൻ സാധിക്കുമെന്നാണ് ഗ്രൂപ്പുകൾ മുൻപ് ചോദിച്ചിരുന്നത്. ഈ സാഹചര്യം പാർട്ടിയിൽ വീണ്ടും പ്രശ്നങ്ങൾക്ക് കാരണമാകുമെന്നും ഗ്രൂപ്പുകൾ ആരോപിക്കുന്നുണ്ട്.
