വൈറലായ വിഡിയോയിൽ വെള്ള നിറത്തിലുള്ള സാരിയുടുത്ത ഒരു സ്ത്രീയാണ് താരം. വസ്ത്രത്തിൽ ചെറിയ എൽഇഡി ലൈറ്റുകളുണ്ട്. യഥാർത്ഥത്തിൽ എൽഇഡി ലൈറ്റ് ഘടിപ്പിച്ച സാരിയാണോ അതോ സാരി ധരിച്ച ശേഷം എൽഇഡി ലൈറ്റ് മുകളിൽ പിടിപ്പിച്ചതാണോ എന്ന് വ്യക്തമല്ല. ഒരു കടയുടെ പുറത്ത് നിന്നാണ് വീഡിയോ ഷൂട്ട് ചെയ്തിരിക്കുന്നത്. വീഡിയോ എടുക്കുന്ന വ്യക്തിയ്ക്ക് മുൻപിൽ സ്ത്രീ പോസ് ചെയ്യുന്നതും കാണാം.
കഴിഞ്ഞ വർഷമാണ് ഈ വീഡിയോ ആദ്യം ഇന്റർനെറ്റിലെത്തിയത്. #DeepavaliSare #DiwaliSari എന്നിങ്ങനെയുള്ള ഹാഷ്ടാഗുകളുമായെത്തിയ വൈറൽ വീഡിയോയ്ക്ക് വമ്പൻ സ്വീകരണമാണ് അന്ന് ലഭിച്ചത്. ഒരു വർഷത്തിന് ശേഷവും സമാനമായ രീതിയിലുള്ള സ്വീകരണമാണ് ഇപ്പോഴും ലഭിക്കുന്നത്.
ചിലർ എൽഇഡി ലൈറ്റ് സാരി അടിപൊളിയാണ് എന്ന് പ്രതികരിച്ചപ്പോൾ ചിലർ ‘കറണ്ട് കൊണ്ടുള്ള കളിയാണ്, സ്വയം അപകടത്തിലാക്കരുത്’ എന്ന് ഉപദേശിക്കുന്നു. ‘അവൾക്ക് ഒരു ബാക്കപ്പിനായി ഒരു പവർ ബാങ്ക് ലഭിച്ചോ?’ എന്നാണ് ഒരാളുടെ കമന്റ്. ‘ആകെമൊത്തം ലൈറ്റും കളറും, ടമാർ പടാർ’ എന്നാണ് മറ്റൊരാളുടെ പ്രതികരണം.
