ക്നായനായ സഭയ്ക്കുള്ളിൽ പരിഷ്കരണത്തിനു വേണ്ടി വാദിക്കുന്ന ക്നാനായ കത്തോലിക്കാ നവീകരണ സമിതിയാണ് കോട്ടയം അഡീഷണൽ സെഷൻസ് കോടതി വിധിയ്ക്കെതിരെ ഹർജിയുമായി കേരള കൈക്കോടതിയെ സമീപിച്ചത്. ഈ ഹര്‍ജിയിലാണ് ജസ്റ്റിസ് വിജി അരുണിൻ്റെ ഇടക്കാല ഉത്തരവ്. സമുദായത്തിനു പുറത്തു നിന്ന് വിവാഹം ചെയ്യുന്നവരെ ക്നാനായ സമുദായത്തിൽ നിന്നു പുറത്താക്കുന്നതാണ് രീതി. ഇത് തെറ്റാണെന്നും നടപടി അവസാനിപ്പിക്കണമെന്നും മുൻപ് വിചാരണക്കോടതി ഉത്തരവിട്ടിരുന്നു.
Also Read:
മറ്റൊരു രൂപതയിൽപ്പെട്ട ആളെ കോട്ടയം അതിരൂപതയിൽപ്പെട്ട (ക്നാനായ) ആള്‍ക്ക് വിവാഹം ചെയ്യാൻ താത്പര്യമുണ്ടെങ്കിൽ ഈ വ്യക്തിയ്ക്ക് വിവാഹക്കുറി അല്ലെങ്കിൽ എൻഓസി ആവശ്യപ്പെട്ട് അതിരൂപതയെ സമീപിക്കാമെന്നും ഇത്തരത്തിൽ അപേക്ഷ ലഭിച്ചാൽ കോട്ടയം രൂപതയിലെ അംഗത്വം അവസാനിപ്പിക്കുന്നതായുള്ള കത്ത് ആവശ്യപ്പെടാതെ തന്നെ കുറി നല്‍കണമെന്നുമാണ് ഹൈക്കോടതി നിര്‍ദേശം. വിവാഹത്തിൻ്റെ പേരിൽ കോട്ടയം ക്നാനായ അതിരൂപതയിലെ അംഗത്വം ഉപേക്ഷിച്ചിട്ടുള്ളവരുടെ കാര്യവും ഹര്‍ജിയിലെ വിധിയെ ആശ്രയിച്ചിരിക്കും. എന്നാൽ ഈ നിര്‍ദേശങ്ങള്‍ ഇടക്കാലത്തേയ്ക്ക് മാത്രമാണെന്നും കോടതി ചൂണ്ടിക്കാട്ടി.
അതേസമയം, അപ്പീൽ കോടതിയുടെ തീരുമാനങ്ങളെ ഹൈക്കോടതി വിധി സ്വാധീനിക്കില്ലെന്നും വിഷയത്തിൽ ചോദ്യങ്ങള്‍ ചര്‍ച്ചെ ചെയ്യാനുള്ള അപ്പീൽ കോടതിയുടെ സ്വാതന്ത്ര്യത്തെ ഹൈക്കോടതിയുടെ ഇടക്കാല ഉത്തരവ് ഹനിക്കുന്നതല്ലെന്നും ഹൈക്കോടതി വ്യക്തമാക്കി. മൂന്ന് മാസത്തിനകം ഹര്‍ജിയിൽ തീര്‍പ്പുണ്ടാക്കാനാണ് കീഴ്ക്കോടതിയ്ക്ക് നല്‍കിയിരിക്കുന്ന നിര്‍ദേശം. ഹൈക്കോടതി വിധിയിലെ പരാമര്‍ശങ്ങള്‍ അപ്പീൽ കോടതിയെ സ്വാധീനിക്കരുതെന്നും കോടതി വ്യക്തമാക്കി.
Also Read:
ക്നാനായ വിഭാഗത്തിനു പുറത്തു നിന്നുള്ളയാളെ വിവാഹം ചെയ്താൽ സമുദായത്തിൽ നിന്നു പുറത്താക്കുന്ന രീതിയ്ക്കെതിരെയാണ് ഒരു വിഭാഗം വിശ്വാസികള്‍ നിയമപോരാട്ടം തുടങ്ങിയത്. ഈ രിതി തെറ്റാണെന്നും മനുഷ്യത്വവിരുദ്ധമാണെന്നും ഭരണഘടനാവിരുദ്ധമാണെന്നുമാണ് ഹര്‍ജിക്കാര‍് പറയുന്നത്. തുടര്‍ന്ന് ഈ വര്‍ഷം ഏപ്രിലിൽ സബ് കോടതി വിവാഹത്തോടു കൂടി വിശ്വാസികളെ സമുദായത്തിൽ നിന്നു പുറത്താക്കുന്നതിനെതിരെ നല്‍കിയ ഹര്‍ജി അംഗീകരിക്കുകയായിരുന്നു. എന്നാൽ ഈ വിധി അഡീഷണൽ ജില്ലാ കോടതി സ്റ്റേ ചെയ്തതോടെയാണ് സംഘടന ഹര്‍ജിയുമായി ഹൈക്കോടതിയെ സമീപിച്ചത്. ഹൈക്കോടതി ഉത്തരവിനെ സഭയിലെ നവീകരണ വിഭാഗം സ്വാഗതം ചെയ്തിട്ടുണ്ട്.
