കങ്കാരൂ, ജിറാഫ്, സീബ്രാ എന്നീ മൃഗങ്ങളുടെ കാലുകൊണ്ടുള്ള തോഴിയാണ് ലോകത്തിലെ ഏറ്റവും ശക്തവും മാരകവും. അതിൽ തന്നെ ഏറ്റവും പേടിക്കേണ്ടത് സീബ്രയുടേതാണ്. ചിലപ്പോൾ സീബ്രയുടെ ഒരു തൊഴി മതിയത്രെ സിംഹം ഒക്കെ ചത്തുവീഴാൻ. ജിറാഫിന്റെ കാലുകൊണ്ടുള്ള തൊഴിയ്ക്കും ഒരു പ്രത്യേകതയുണ്ട്. ഏതു ദിശയിൽ നിന്നും ഏത് ദിശയിലേക്കും തൊഴിക്കാം എന്നതാണ് അത്. എന്താണ് ജിറാഫിന്റെ കാലുകൊണ്ടുള്ള തൊഴിയുടെ ‘പഞ്ച്’ എന്ന് വ്യക്തമാകുന്ന ചിത്രങ്ങൾ ഇപ്പോൾ വൈറലാണ്.
കെനിയയിലെ സാവോ സമതലത്തിൽ രണ്ട് ജിറാഫുകൾ തമ്മിലുള്ള ചൂടേറിയ പോരാട്ടത്തിന്റെ മൂന്ന് ഫോട്ടോകൾ ഷെൽഡ്രിക്ക് വൈൽഡ് ലൈഫ് ട്രസ്റ്റ് ഇൻസ്റ്റാഗ്രാമിൽ പോസ്റ്റ് ചെയ്തിട്ടുണ്ട്. ഈ ചിത്രങ്ങൾ ജിറാഫിന്റെ തൊഴിയുടെ ‘വെയ്റ്റ്’ എത്ര എന്ന് കൃത്യമായി വെളിപ്പെടുത്തുന്നതാണ്. “ജിറാഫുകൾക്ക് ചില ഗുരുതരമായ ചവിട്ടൽ ശക്തിയുണ്ട്!” ആവശ്യം വരുമ്പോൾ അവരത് പുറത്തെടുക്കുകയും ചെയ്യും” എന്ന കുറിപ്പോടെയാണ് ചിത്രം പോസ്റ്റ് ചെയ്തിരിക്കുന്നത്. “ജിറാഫിന് അത് ചെയ്യാൻ കഴിയുമെന്ന് എനിക്കറിയില്ലായിരുന്നു”, “അങ്ങനെയൊന്നും കണ്ടിട്ടില്ല” എന്നിങ്ങനെയുള്ള പ്രതികരണങ്ങളാണ് പോസ്റ്റിന് നെറ്റിസൺമാരിൽ നിന്ന് ലഭിക്കുന്നത്.
കുറച്ച് മാസങ്ങൾക്ക് മുൻപ് ‘
‘ വ്യക്തമാക്കുന്ന മറ്റൊരു വിഡിയോയും വൈറലായിരുന്നു. ഒരു ജിറാഫിനെ കണ്ട കണ്ടാമൃഗത്തിന്റെ കുട്ടി കൗതുകത്തോടെ ജിറാഫിന്റെ അടുത്തേക്കെത്തി. പക്ഷെ ഒരു ചെറിയ അബദ്ധം പറ്റി. ജിറാഫിന്റെ പുറകിലൂടെയാണ് കണ്ടാമൃഗത്തിന്റെ കുട്ടി അടുത്തേക്ക് ചെന്നത്. പുറകിൽ ശത്രു ആണെന്ന് കരുതിയ ജിറാഫ് ഒരു തൊഴിയും കൊടുത്തു. അത് കൃത്യം വന്നു പതിച്ചതോ കണ്ടാമൃഗത്തിന്റെ മുഖത്തും. ഒരു നിമിഷം എന്താ സംഭവിച്ചത് എന്ന് മനസ്സിലാക്കാൻ പാടുപെട്ടെങ്കിലും മനസ്സാന്നിധ്യം വീണ്ടെടുത്ത കാണ്ടാമൃഗം ഇനി അവിടെ നിന്നാൽ പണി പാളും എന്ന് മനസ്സിക്കാക്കി ഓടുന്നത് കാണാം. 6 സെക്കന്റ് മാത്രം ദൈർഖ്യമുള്ള വീഡിയോ ആയതുകൊണ്ട് തന്നെ എല്ലാം വളരെ പെട്ടന്നായിരുന്നു എന്ന് വീഡിയോ കാണുന്നവർക്ക് തോന്നും.
