കെപിസിസി പുനസംഘടനയിൽ ആരും പരാതി നൽകിയിട്ടില്ല. രാഷ്ട്രീയ കാര്യസമിതി സ്വീകരിച്ച തീരുമാനം ശരിയായി നടക്കുന്നു. എന്ത് പ്രശ്നം ഉണ്ടായാലും തീരുമാനം നടപ്പാക്കും. കോൺഗ്രസിൽ ഗ്രൂപ്പ് ഉണ്ടെന്നത് യാർഥാർത്യമാണ്. എന്നാൽ, ഗ്രൂപ്പ് പാർട്ടിക്ക് അതീതമാകരുതെന്നും പ്രതിപക്ഷ നേതാവ് വ്യക്തമാക്കി.
സംഘടനാ തെരഞ്ഞെടുപ്പിൽ മത്സരിക്കുമെന്ന കെ സുധാകരൻ്റെ പ്രഖ്യാപനത്തിനെതിരെ രംഗത്തുവന്നതായി ഏഷ്യാനെറ്റ് ന്യൂസ് റിപ്പോർട് ചെയ്തു. സുധാകരൻ്റെ പ്രഖ്യാപനം കൂടിയാലോചന ഇല്ലാതെയുള്ളതാണെന്ന് ചെന്നിത്തല പറഞ്ഞു.
കോൺഗ്രസ് സംഘടനാ തെരഞ്ഞെടുപ്പിന്‍റെ ഭാഗമായി സംസ്ഥാന അധ്യക്ഷ സ്ഥാനത്തേക്കു തെരഞ്ഞെടുപ്പ് നടന്നാൽ താൻ മത്സരിക്കുമെന്നു കെപിസിസി പ്രസിഡന്‍റ് കഴിഞ്ഞ ദിവസം വ്യക്തമാക്കിയിരുന്നു. പാർട്ടിക്കകത്തു പുതിയ ഉണർവുണ്ടാക്കാൻ സംഘടനാ തെര‍ഞ്ഞെടുപ്പിനു സാധിക്കുമെന്നും കെപിസിസി അധ്യക്ഷൻ കെ സുധാകരൻ വ്യക്തമാക്കുന്നത്.
സുധാകരൻ്റെ പ്രഖ്യാപനം എ, ഐ ഗ്രൂപ്പുകൾക്കുള്ളിൽ സമ്മർദ്ദം ശക്തമാക്കുന്നുണ്ട്. ഐ ഗ്രൂപ്പിൻ്റെ ഭാഗമായിരുന്ന കെ സി വേണുഗോപാൽ, വി ഡി സതീശൻ, കെ മുരളീധരൻ എന്നിവർ ഗ്രൂപ്പുകളിൽ നിന്നകന്നു കഴിഞ്ഞു. കെപിസിസി പ്രസിഡൻ്റ് കെ സുധാകരനാണ് ഇവർ പിന്തുണ നൽകുന്നത്. ഈ സാഹചര്യം തിരിച്ചടിയാകുമെന്ന നിഗമനം ഗ്രൂപ്പുകൾക്കുണ്ട്. ഈ സാഹചര്യത്തിൽ സംഘടനാ തെരഞ്ഞെടുപ്പിൽ ഒറ്റക്കെട്ടായി നീങ്ങാനാണ് കോൺഗ്രസ് എ, ഐ ഗ്രൂപ്പുകളുടെ തീരുമാനം. ഗ്രൂപ്പ് നേതാക്കളും വിശ്വസ്തരും ഇക്കാര്യത്തിൽ ചർച്ചകൾ നടത്തിയെന്ന സ്ഥിരീകരിക്കാത്ത റിപ്പോർട്ടുകളും പുറത്തുവരുന്നുണ്ട്. പരസ്പരം മത്സരിക്കാതെ കൈകോർത്ത് മുന്നോട്ട് പോകാനാണ് ധാരണ. ജില്ല തിരിച്ച് അംഗത്വവിതരണവും മറ്റും ഏകോപിപ്പിക്കാനാണ് ഗ്രൂപ്പുകൾ ഉദ്ദേശിക്കുന്നത്.
എന്നാൽ ഗ്രൂപ്പുകൾ സ്വന്തം ആളുകളെ നിർത്തി വിജയിപ്പിച്ചെടുക്കുന്ന സാഹചര്യം ഇന്നു കേരളത്തിലില്ലെന്നും നേതാക്കളിൽ മാത്രം നിലനിൽക്കുന്ന വികാരമായി ഗ്രൂപ്പുകൾ മാറിയെന്നും സുധാകരൻ വ്യക്തമാക്കിയത് ഗ്രൂപ്പുകൾക്കുള്ള മുന്നറിയിപ്പ് കൂടിയാണ്.
