തിരുവനന്തപുരം: ചെറിയാൻ ഫിലിപ്പ് ഏകനായി വന്ന് ഏകനായി മടങ്ങിയെന്ന് സി.പി.എം. ആക്ടിങ് സെക്രട്ടറി എ. വിജയരാഘവൻ.ചെറിയാൻ ഫിലിപ്പ് ഇടത് സഹയാത്രികനാണ്. എന്നാൽ പാർട്ടി അംഗമല്ല. ഇപ്പോൾ കോൺഗ്രസ് അംഗമായി മാറിയെന്നും എ. വിജയരാഘവൻ പറഞ്ഞു.
രാജ്യസഭാ സീറ്റ് നൽകാൻ നിശ്ചിയിച്ചിരുന്നോ എന്ന് തനിക്കറിയില്ല. സഹയാത്രികർ നൽകുന്ന പിന്തുണയ്ക്ക് സിപിഎമ്മിന് നന്ദിയുണ്ട്.
മുഖ്യമന്ത്രിയുടെ ഓഫീസിനെ കുറിച്ച് ചെറിയാൻ ഉന്നയിച്ച ആരോപണങ്ങൾക്ക് ഇപ്പോൾ മറുപടി പറയുന്നില്ല. കോൺഗ്രസിൽ ചേരുമ്പോൾ പറയുന്ന അഭിപ്രായമായി അതിനെ കണ്ടാൽ മതിയെന്നും എ. വിജയരാഘവൻ പറഞ്ഞു.
Content Highlights: A Vijayaraghavan on Cherian Philip congress entry
