വീട്ടിൽ ഭാര്യയുമൊത്തുള്ള ജീവിതം അസഹനീയമാണ് എന്നതാണ് ഇത്തരത്തിൽ ഒരു പ്രവർത്തിയ്ക്ക് അൽബേനിയൻ യുവാവിന്റെ പ്രേരിപ്പിച്ചത്. “ഭാര്യയുമായുള്ള നിർബന്ധിത വീട്ടുതടങ്കൽ അദ്ദേഹത്തിന് തീരെ പിടിച്ചില്ല,” ടിവോലിയിൽ നിന്നുള്ള കാരബിനിയേരി പോലീസ് പ്രസ്താവനയിൽ പറഞ്ഞു. “പ്രകോപിതനായ അയാൾ വീട്ടുതടങ്കലിൽ നിന്നും ചാടി ജയിൽശിക്ഷ അനുഭവിക്കാൻ സ്വയം കാരാബിനിയേരി പൊലീസിന് മുന്നിൽ ഹാജരായി” പോലീസുകാർ പറഞ്ഞു.
മയക്കുമരുന്ന് കൈവശം വച്ച കുറ്റകൃത്യങ്ങളുടെ പേരിൽ ഇയാൾ മാസങ്ങളായി വീട്ടുതടങ്കലിലാണ്. ഇയാളുടെ വീട്ടുതടങ്കൽ തീരാൻ ഇനിയും ഏതാനും വർഷങ്ങൾ ബാക്കിയുണ്ടെന്നും ടിവോലി കാരാബിനിയേരിയിലെ ക്യാപ്റ്റൻ ഫ്രാൻസെസ്കോ ജിയാകോമോ ഫെറാന്റേ പറഞ്ഞു. ‘കേൾക്കൂ, എന്റെ ഗാർഹിക ജീവിതം നരകമായി മാറിയിരിക്കുന്നു, എനിക്ക് ഇനി അത് തുടരാൻ പറ്റില്ല, എനിക്ക് ജയിലിൽ പോകണം” യുവാവ് പറഞ്ഞതായി ഫ്രാൻസെസ്കോ ജിയാകോമോ പറഞ്ഞു.
ഏതായാലും യുവാവ് ആഗ്രഹിച്ച പോലെ വീട്ടുതടങ്കൽ ലംഘിച്ചതിനാണ് പോലീസ് അറസ്റ്റ് രേഖപ്പെടുത്തി. യുവാവിനെ ജയിലിലേക്ക് മാറ്റാൻ ജുഡീഷ്യൽ അധികൃതർ ഉത്തരവിട്ടു.
ജനുവരിയിൽ, ചൈനയിൽ നിന്നുള്ള ഒരാൾ തന്റെ കാമുകിയെ സ്നേഹിക്കുന്നില്ലെന്ന് മനസ്സിലാക്കുകയും നിശ്ചയിച്ചുറപ്പിച്ച വിവാഹത്തിൽ നിന്നും പിന്മാറാൻ ഒരു കുറ്റകൃത്യം ചെയ്യുകയും ചെയ്തതും വാർത്തയായിരുന്നു. ഉദ്ദേശമോ? ഒരു കുറ്റവാളിയെ വിവാഹം കഴിക്കാൻ കാമുകി മടിക്കുമല്ലോ. യുവാവ് ചെയ്ത കുറ്റകൃത്യം എന്താണെന്നല്ലേ? ഷാങ്ഹായിലെ ഒരു ഡാൻസ് സ്റ്റുഡിയോയിൽ നിന്ന് ബ്ലൂടൂത്ത് സ്പീക്കർ മോഷ്ടിച്ചു. തുടർന്ന് പോലീസ് ഇയാളെ പിന്തുടരുകയും മോഷണക്കുറ്റം ചുമത്തി അറസ്റ്റ് ചെയ്യുകയും ചെയ്തു. വിവാഹം മുടങ്ങിയോ എന്ന് ഇപ്പോഴും വ്യക്തമല്ല.
