ഡാറ്റാബേസിൽ സ്ത്രീകളുടെ അഭാവം ആരോപിച്ച് ഡെൻവർ ആസ്ഥാനമായുള്ള ഡേറ്റിങ് വെബ്സൈറ്റിനെതിരെയാണ് ഇയാൻ കേസ് കൊടുത്തിരിക്കുന്നത്. വെബ്‌സൈറ്റിൽ വളരെ കുറച്ച് സ്ത്രീകൾ മാത്രമേയുള്ളൂവെന്ന് ആരോപിച്ച് ഓപ്പറേറ്ററിനെതിരെയാണ് കേസ് കൊടുത്തിരിക്കുന്നത് എന്ന് ഡെൻവർ പോസ്റ്റ് റിപ്പോർട്ട് ചെയുന്നു.
ഡെൻവർ ഡേറ്റിംഗ് കമ്പനി നടത്തുന്ന HMZ ഗ്രൂപ്പ്, തങ്ങളുടെ ഡാറ്റാബേസിൽ സ്ത്രീകളുടെ എണ്ണം പെരുപ്പിച്ച് കാണിച്ചിട്ടുണ്ട് എന്ന് ഇയാൻ വാദിക്കുന്നു. രജിസ്റ്റർ ചെയ്ത സ്ത്രീകൾ വളരെ കുറവാണെന്ന് ബോധ്യപ്പെട്ടതിനാലാണ് ഇയാൻ കമ്പനിയിൽ നിന്ന് നഷ്ടപരിഹാരം തേടുന്നത്. വഞ്ചനാപരമായ പ്രേരണ, വഞ്ചനാപരമായ വ്യാപാര രീതികൾ എന്നീ കാര്യങ്ങൾക്ക് കമ്പനി മറുപടി പറയണം.
ഡെൻവർ ഡേറ്റിംഗ് കമ്പനി സാധാരണ ഡേറ്റിങ് ആപ്പോ വെബ്‌സൈറ്റോ പോലെയല്ല പ്രവർത്തിക്കുന്നത്. പുതിയ ഉപയോക്താക്കൾക്ക് അവരുടെ ആപ്ലിക്കേഷനും പ്രൊഫൈലും പരിശോധിച്ചുറപ്പിച്ച് വെബ്‌സൈറ്റ് ഉപായിക്കാൻവിപുലമായ സ്ക്രീനിംഗ് പ്രക്രിയയിലൂടെ കടന്നു പോകേണ്ടതുണ്ട്. സൈറ്റിൽ 25 മുതൽ 35 വരെ പ്രായമുള്ള നിരവധി അവിവാഹിതരായ സ്ത്രീകളുണ്ടെന്ന് ഒരു എക്‌സിക്യൂട്ടീവ് പറഞ്ഞതിനെത്തുടർന്ന് 9,409 ഡോളർ മെമ്പർഷിപ്പിനായി ചിലവഴിച്ചു എന്നി ഇയാൻ പറയുന്നു. എന്നാൽ 18 മുതൽ 35 വരെ പ്രായപരിധിയിലുള്ള അഞ്ച് സ്ത്രീകൾ മാത്രമാണ് സൈറ്റിലുള്ളതെന്ന് ഇയാൻ വാദിക്കുന്നു.
