Also Read :
നിലവിൽ എൻ സി പി സംസ്ഥാന നിര്‍വ്വാഹക സമിതി അംഗവും ആലുവ നിയോജക മണ്ഡലം എൽ ഡി എഫ് കൺവീനറുമായിരുന്നു കെ എം കുഞ്ഞുമോൻ. ഞായറാഴ്ച കെ പി സി സി അധ്യക്ഷൻ കെ സുധാകരന്റെ സാന്നിധ്യത്തിൽ കോൺഗ്രസിൽ ചേരുമെന്നും അറിയിച്ചിരിക്കുന്നത്.
ജില്ലാ പഞ്ചായത്ത് മുൻ അംഗമാണ് കെ എം കുഞ്ഞുമോൻ. പഴയകാല പാര്‍ട്ടി പ്രവര്‍ത്തകരെ എൻ സി പി സംസ്ഥാന അധ്യക്ഷൻ വേട്ടയാടുകയാണെന്നും അദ്ദേഹം ആരോപിച്ചു. പി സി ചാക്കോയുടെ ഏകപക്ഷീയമായ നടപടികളില്‍ പ്രതിഷേധിച്ചാണ് രാജിയെന്നും കുഞ്ഞുമോൻ മാധ്യമങ്ങളോടു പറഞ്ഞു.
അതിന് പുറമെ, തന്റെ കൂടെ ജില്ലാ ഭാരവാഹികളും പോഷകസംഘടന നേതാക്കളുമുണ്ടെന്നും അടുത്ത ദിവസം പാര്‍ട്ടിയില്‍ നിന്ന് കൂടുതല്‍ പേര്‍ രാജിവെക്കുമെന്നും അദ്ദേഹം അവകാശപ്പെട്ടു.
കോൺഗ്രസിൽ കെ സുധാകരന്റെയും വി ഡി സതീശന്റെയും നേതൃത്വം വലിയ മാറ്റങ്ങള്‍ ഉണ്ടാക്കുന്നു. അതിനു തെളിവാണ് കഴിഞ്ഞ ദിവസം പുറത്തുവന്ന കെ പി സി സി ഭാരവാഹി പട്ടിക. കെ പി സി സി പ്രസിഡന്റുമായി ഫോണിൽ സംസാരിച്ചിരുന്നു. പാര്‍ട്ടിയിലേക്ക് അദ്ദേഹം സ്വാഗതം ചെയ്തു. പ്രതിപക്ഷ നേതാവിൽ നിന്നും നല്ല പ്രതികരണമാണ് ലഭിച്ചത് എന്ന് കുഞ്ഞുമോൻ ഇന്നലെ വാര്‍ത്താസമ്മേളനത്തിൽ പറഞ്ഞു.
Also Read :
എറണാകുളം ജില്ലാ പഞ്ചായത്ത് സ്റ്റാൻഡിങ് കമ്മിറ്റി ചെയര്‍മാൻ എൻ സി പി ജില്ലാ പ്രസിഡന്റ്, ഐ എൻ എൽ സി ട്രേഡ് യൂണിയൻ സംസ്ഥാന പ്രസിഡന്റ് പദവികള്‍ അദ്ദേഹം വഹിച്ചിട്ടുണ്ട്.
