മഴക്കെടുതി: പ്രധാനമന്ത്രി ടെലിഫോണില്‍ വിളിച്ച് വിവരങ്ങള്‍ ആരാഞ്ഞു- മുഖ്യമന്ത്രി

തിരുവനന്തപുരം> മഴക്കെടുതി സംബന്ധിച്ച് പ്രധാനമന്ത്രി നരേന്ദ്ര മോഡി ടെലിഫോണില് വിളിച്ച് വിവരങ്ങള് ആരാഞ്ഞതായി മുഖ്യമന്ത്രി പിണറായി വിജയന്. അതിതീവ്രമഴയും ഉരുള്പൊട്ടലും അതിന്റെ ഫലമായുണ്ടായ ആള്നാശവും സംസ്ഥാനത്തിന് കനത്ത ആഘാതം ഏല്പ്പിച്ചിരിക്കുകയാണ്. ഈ സാഹചര്യത്തില് ആവശ്യമായ സഹായങ്ങള് കേന്ദ്രം നല്കാമെന്ന് പ്രധാനമന്ത്രി വാഗ്ദാനം ചെയ്തുവെന്നും മുഖ്യമന്ത്രി അറിയിച്ചു.