കെപിസിസി പുനഃസംഘടന: കെസി വേണുഗോപാലിനെതിരെ നേതാക്കൾ; അതൃപ്തി അറിയിക്കാൻ ഉമ്മൻചാണ്ടിയും രമേശും

തിരുവനന്തപുരം: പുനഃസംഘടനയില്‍ കെ സി വേണുഗോപാലിനെതിരെ ഹൈക്കമാന്‍ഡിനെ അതൃപ്തിയറിയിക്കാന്‍ മുതിർന്ന നേതാക്കൾ. ഹൈക്കമാൻഡിനെ അതൃപ്തി അറിയിക്കാൻ മുൻ മുഖ്യമന്ത്രി ഉമ്മൻ ചാണ്ടിയും രമേശ് ചെന്നിത്തലയും തീരുമാനിച്ചതായി ഏഷ്യാനെറ്റ് ന്യൂസ് റിപ്പോർട്ട് ചെയ്തു. കെസി വേണുഗോപാൽ ഇഷ്ടക്കാരെ തിരുകി കയറ്റുന്നെന്നാണ് നേതാക്കളുടെ ആരോപണം.

പദവി ദുരുപയോഗം ചെയ്ത് പുനഃസംഘടനയില്‍ അനര്‍ഹമായ ഇടപെടല്‍ നടത്തുന്നുവെന്നാണ് നേതാക്കളുടെ പരാതിയെന്നാണ് റിപ്പോർട്ട് പറയുന്നത്. കെ പി സി സി അംഗമല്ലത്തായാൾക്ക് വേണ്ടിയും കെ സി വേണുഗോപാൽ വാദിക്കുന്നു. പുനഃസംഘടനയില്‍ സാമുദായിക സമവാക്യം പാലിക്കുന്നില്ല തുടങ്ങിയ ആക്ഷേപങ്ങൾ നേതൃത്വത്തെ അറിയിക്കാനാണ് ഇവരുടെ നീക്കം.

Also Read :
മൂന്ന് പേര്‍ ഇരുന്ന് എല്ലാം തീരുമാനിക്കുന്നുവെന്നും അന്തിമ പട്ടികയെ കുറിച്ച് അറിവൊന്നുമില്ലെന്നും ഗ്രൂപ്പ് നേതാക്കള്‍ പറഞ്ഞതായും റിപ്പോർട്ടുകളുണ്ട്. പട്ടിക അന്തിമമാക്കിയ ശേഷം ബന്ധപ്പെടാമെന്ന് നേതൃത്വം അറിയിച്ചിരുന്നുവെങ്കിലും അതുണ്ടായില്ലെന്നാണ് പരാതി.

പുനഃസംഘടനയില്‍ തങ്ങളെ പരിഗണിക്കുന്നില്ലെന്ന് അറിഞ്ഞതോടെ നിരവധി നേതാക്കൾ സമ്മർദ്ദവുമായി രംഗത്തെത്തിയിട്ടുണ്ട്. ഡി സുഗതൻ, വി എസ് ശിവകുമാർ തുടങ്ങിയ നേതാക്കളാണ് സമ്മർദ്ദവുമായി രംഗത്തെത്തിയത്. സുഗതനുവേണ്ടി വെള്ളാപ്പള്ളി നടേശനും രംഗത്തെത്തിയതായി ഏഷ്യാനെറ്റ് റിപ്പോർട്ട് പറയുന്നു.

Also Read :

സുഗതന് കെ സുധാകരൻ ട്രഷറർ സ്ഥാനം വാഗ്ദാനം ചെയ്തിട്ടുണ്ടെന്നും എന്നാൽ ശിവകുമാറിന്‍റെ സമ്മർദ്ദത്തിന് വഴങ്ങേണ്ടതില്ലെന്നാണ് തീരുമാനമെന്നും റിപ്പോർട്ട് പറയുന്നു. വൈസ് പ്രസിഡന്‍റ് സ്ഥാനത്തേക്കും മറ്റും പരിഗണിച്ചിരുന്ന രമണി പി നായരെ ചില പരാതികളെത്തുടർന്ന് അവസാനവട്ട ചർച്ചകളിൽ നിന്ന് ഒഴിവാക്കിയതായും റിപ്പോർട്ട് പറയുന്നു.

Also Read :
എ ഐ സി സി ജനറല്‍ സെക്രട്ടറി താരിഖ് അന്‍വറിന് നല്‍കിയ പട്ടികയില്‍ മാറ്റങ്ങൾ വരുത്തുന്നതിനാൽ ഇത് ഇതുവരെയും സോണിയ ഗാന്ധിക്ക് കൈമാറിയിട്ടില്ല.