കണ്ണൂരിൽ നടന്ന അക്രമ രാഷ്ട്രീയവുമായി ബന്ധപ്പെട്ട സുപ്രധാന വിധിയാണിത്. ഒരു ഇരയെ കണ്ടുപിടിക്കാൻ കഥകളുണ്ടാക്കി അവരെ കൊലപ്പെടുത്തുകയെന്നത് സിപിഎമ്മിന്റെ രീതിയാണെന്ന് ഷാജി ആരോപിച്ചു.
സിപിഎമ്മിന്റെ കോട്ടയിൽ ഷുക്കൂർ എന്ന വിദ്യാർത്ഥി ഉയർത്തിപ്പിടിച്ച രാഷ്ട്രീയത്തെ ഭയന്നാണ് ഷുക്കൂറിനെ കൊലപ്പെടുത്തിയതെന്ന് ഷാജി പറഞ്ഞു. കണ്ണൂരിൽ നടക്കുന്ന രാഷ്ട്രീയ കലാപങ്ങളിൽ കേരളം ഭരിക്കുന്ന പാർട്ടി എത്ര ആസൂത്രിതമായ രീതിയിലാണ് കാര്യങ്ങൾ ചെയ്യുന്നതെന്ന ഉദാഹരണമാണ് ഇന്നത്തെ വിധി- ഷാജി പറഞ്ഞു.
അൻസാർ, ഹനീഫ, സുഹൈൽ, അഷ്‌റഫ്, അനസ്, റൗഫ്, സക്കറിയ്യ, ഷമ്മാദ്, യഹിയ, സജീർ, നൗഷാദ് എന്നിവരെയാണ് കണ്ണൂർ അഡീഷ്ണൽ സെഷൻസ് കോടതിയാണ് പ്രതികളെ വെറുതെവിട്ടത്.
Also Read:
സിപിഎം നേതാക്കൾക്കെതിരെ ആക്രമണം ഉണ്ടായിട്ടില്ലെന്നും കേസിൽ ഹാജരാക്കിയ രേഖകൾ യഥാർത്ഥമല്ലെന്നും കേസിൽ ഹാജരാക്കിയ ആയുധങ്ങൾ കൃത്രിമമായി ഉണ്ടാക്കിയതാണെന്നും പ്രതിഭാഗം വാദിച്ചു.
2012 ഫെബ്രുവരി 20 രാവിലെ 11 ന് പി ജയരാജനും ടി വി രാജേഷും സഞ്ചരിച്ച വാഹനം അരിയിൽ എത്തിയപ്പോൾ മുസ്ലിം ലീഗ് പ്രവർത്തകർ തടയുകയായിരുന്നു. കല്ലേറിൽ വാഹനത്തിന്റെ ചില്ലുകൾ തകർന്നു. തളിപ്പറമ്പ് സ്റ്റേഷനിലെത്തിയ ജയരാജൻ പരാതി നൽകി. തുടർന്ന് നൂറോളം പേർക്കെതിരെ കേസെടുത്തു. തുടർന്ന് ജയരാജനും രാജേഷും തളിപ്പറമ്പ് സഹകരണ ആശുപത്രിയിൽ ചികിത്സ തേടി. ഈ സംഘർഷത്തിന്റെ തുടർച്ചയായാണ് ഷുക്കൂർ കൊല്ലപ്പെടുന്നത്.
