പാലാ ബിഷപ്പിന് പിന്തുണ അറിയിച്ച് സംയുക്ത ക്രൈസ്തവ സമിതി ഒക്ടോബർ നാലിന് നടത്തിയ സെക്രട്ടറിയേറ്റ് ധർണ്ണയും സമ്മേളനവും ഒരു വാചകം പോലും വാർത്ത കൊടുക്കാതെ അവഗണിച്ചെന്നാണ് പരാതി. പ്രതിഷേധ ധർണ്ണയെക്കുറിച്ചും, സമ്മേളനത്തെക്കുറിച്ചും നേരത്തെ തന്നെ വാർത്താ സമ്മേളനം വിളിച്ച് അറിയിച്ചിരുന്നു. എന്നിട്ടും വാർത്ത നൽകാത്ത ധിക്കാരപരമായ നടപടിക്കെതിരെയാണ് പത്രം കത്തിച്ചുള്ള പ്രതിഷേധമെന്നാണ് ഇവർ പറയുന്നത്.
Also Read :
നേരത്തെ ക്രൈസ്തവ സമിതിയുടെ ധർണ്ണയിൽ പങ്കെടുത്ത് സംസാരിക്കുന്നതിനിടെ തങ്ങൾക്ക് അനുകൂലമായി വാർത്ത നൽകാത്ത മാധ്യമങ്ങളെ ബഹിഷ്കരിക്കുമെന്ന് പൂഞ്ഞാർ മുൻ എം എൽ എ പിസി ജോർജ് പറഞ്ഞിരുന്നു. “ഞങ്ങളുടെ വാർത്ത കൊടുക്കാൻ മടിയുള്ള മാധ്യമങ്ങളുണ്ട്. അങ്ങനെയുള്ള മാധ്യമങ്ങളെ ഞങ്ങൾ കമ്മിറ്റി കൂടി ബഹിഷ്കരിക്കാൻ തീരുമാനിക്കുന്നതാണ്” എന്നായിരുന്നു അദ്ദേഹം പറഞ്ഞത്.
Also Read :
വർഷങ്ങളായി വരുത്തുന്ന പത്രം നിർത്തുകയാണെന്ന് വിവിധ കുടുംബങ്ങൾ പറയുന്ന വീഡിയോയും പുറത്ത് വന്നിട്ടുണ്ട്. ക്രിസ്ത്യന്‍ അലയന്‍സ് ഫോര്‍ ആക്ഷന്‍ കോട്ടയം ഉൾപ്പെടെയുള്ളവരും പിന്തുണച്ചറിയിച്ച് വീഡിയോ പങ്കുവെച്ചിട്ടുണ്ട്. ആയിരങ്ങൾ പങ്കെടുത്ത പരിപാടിയുടെ വാർത്ത നൽകിയിലെന്നാണ് ആരോപണം. ‘ഈ അവഗണന സഹിക്കാനവില്ലെന്ന് പറഞ്ഞാണ്’ പത്രം കത്തിച്ചുകൊണ്ടുള്ള പ്രതിഷേധം.
Also Read :
