“പ്രിയപ്പെട്ട പ്രതിപക്ഷ നേതാവിനോട് എനിക്ക് ഒന്നേ പറയാനുള്ളൂ. താങ്കളുടെ നേതാവുണ്ടല്ലോ രാഹുൽ ഗാന്ധി, അദ്ദേഹം എവിടെയാണ്? ഇന്ത്യ വിട്ട് പോകുമ്പോൾ ഏത് രാജ്യത്തേക്ക് പോകുന്നു എന്നുപോലും ഇന്ത്യയിലെ ജനങ്ങളോടോ, കോൺഗ്രസ് നേതൃത്വത്തോടോ പറയാറില്ല. പത്രക്കാർ അന്വേഷിക്കുമ്പോൾ എവിടെയാണെന്ന് അറിയാറില്ല. അത്തരമൊരു നേതാവിന്‍റെ അനുയായി ആണ് താങ്കളെന്ന് മനസ്സിലാക്കുന്നു. വയനാട്ടിൽ നിന്ന് ജയിച്ച് പോയ അദ്ദേഹം കേരളത്തിൽ എപ്പോഴാണ് വരാറുള്ളത്. വയനാടുമായിട്ടുള്ള ബന്ധം എന്താണ് ?. ഇതിനൊക്കെ മറുപടി പറയാൻ നിങ്ങൾ ബാധ്യസ്ഥനാണ്.
Also Read :
സ്വന്തം ഗുരുവിനെ പ്രതിപക്ഷ നേതൃസ്ഥാനത്ത് നിന്ന് കുതികാൽ വെട്ടി, താങ്കൾ ഇരിക്കുന്ന സീറ്റിന്‍റെ പുറകിലേക്ക് ആക്കിയ ധാർമ്മികതയുള്ള നേതാവ് കൂടിയാണ് അങ്ങ്. അതുകൊണ്ട് ധാർമ്മികതയെക്കുറിച്ചൊന്നും എന്നെ പഠിപ്പിക്കണ്ട. നിയമസഭയിൽ എപ്പോൾ വരണം, എങ്ങനെ പ്രവർത്തിക്കണം, എങ്ങനെ പൊതുജനങ്ങളോട് പെരുമാറണം എന്നൊക്കെ എനിക്ക് നന്നായിട്ട് അറിയാം. അതുകൊണ്ട് അതിനൊന്നും താങ്കളുടെ സഹായവും ഉപദേശവും തനിക്ക് വേണ്ടെന്നും” പിവി അൻവർ പറഞ്ഞു.
Also Read :
ജനങ്ങളോടുള്ള ബാധ്യത നിറവേറ്റാൻ താൻ ബാധ്യസ്ഥനാണെന്നും അത് താൻ ഇപ്പോഴും ചെയ്യുന്നുണ്ടെന്നും, നാളെയും ചെയ്യുമെന്നും അൻവർ പറഞ്ഞു. നേരത്തെ പിവി അൻവർ നിയമസഭയിലില്ലാത്തതിനെ വിമർശിച്ച പ്രതിപക്ഷ നേതാവ് ജനപ്രതിനിധി ആയിരിക്കാൻ കഴിയില്ലെങ്കിൽ അൻവര്‍ രാജിവെച്ച് പുറത്തു പോകണമെന്ന് പറഞ്ഞിരുന്നു. ബിസിനസ് ചെയ്യാനാണ് പോകുന്നതെങ്കിൽ എംഎൽഎ ആയിരിക്കേണ്ട കാര്യമില്ല. രാജിവെച്ചു പോകുന്നതാണ് അൻവറിനു നല്ലതെന്നും അദ്ദേഹം വിമർശിച്ചിരുന്നു.
