IPL 2021, SRH vs CSK-Score Updates: ഇന്ത്യൻ പ്രീമയർ ലീഗിൽ സൺറൈസേഴ്സ് ഹൈദരാബാദിനെതിരായ മത്സരത്തിൽ ചെന്നൈ സൂപ്പർ കിങ്സിന് 135 റൺസ് വിജയലക്ഷ്യം. ആദ്യം ബാറ്റ് ചെയ്ത ഹൈദരാബാദ് ഏഴ് വിക്കറ്റ് നഷ്ടത്തിൽ 134 റൺസ് നേടി.
ചെന്നൈയുടെ ബൗളിങിന് മുന്നിൽ അടിപതറിയ ഹൈദരാബാദ് നിരയിൽ വൃദ്ധിമാൻ സാഹയ്ക്ക് മാത്രമാണ് ഭേദപ്പെട്ട സ്കോർ നേടാനായത്. 46 പന്തിൽ നിന്ന് ഒരു ഫോറും രണ്ട് സിക്സുമടക്കം 44 റൺസ് നേടിയാണ് സാഹ പുറത്തായത്. ഓപ്പണർ ജേസൺ റോയ് ഏഴ് പന്തിൽ നിന്ന് രണ്ട് റൺസ് മാത്രമെടുത്ത് പുറത്തായി.
നായകൻ കെയ്ൻ വില്യംസൺ 11 പന്തിൽ നിന്ന് രണ്ട് ഫോർ അടക്കം 11 റൺസെടുത്ത് പുറത്തായി. പ്രിയം ഗാർഗ്-ഏഴ്, അഭിഷേക് ശർമ-18, അബ്ദുൽ സമദ്-18, ജേസൺ ഹോൾഡർ-അഞ്ച്, റാഷിദ് ഖാൻ- 17, ഭുവനേശ്വർ കുമാർ-രണ്ട് എന്നിങ്ങനെയാണ് മറ്റുള്ളവരുടെ സ്കോർ.
ചെന്നൈക്ക് വേണ്ടി ജോഷ് ഹെയ്സൽവുഡ് മൂന്ന് വിക്കറ്റ് വീഴ്ത്തി. ഡ്വെയ്ൻ ബ്രാവോ രണ്ട് വിക്കറ്റും രവീന്ദ്ര ജഡേദയും ശർദുൽ ഠാക്കൂറും ഓരോ വിക്കറ്റും വീഴ്ത്തി.
മത്സരത്തിൽ ടോസ് ചെന്നൈ സൂപ്പർ കിങ്സ് ബോളിങ് തിരഞ്ഞെടുക്കയായിരുന്നു. ഷാർജ ക്രിക്കറ്റ് സ്റ്റേഡിയത്തിലാണ് മത്സരം.
നിലവിൽ 10 മത്സരങ്ങളിൽ നിന്ന് 16 പോയിന്റുമായി പട്ടികയിൽ ഒന്നാമതുള്ള സിഎസ്‌കെ, എസ്‌ആർ‌എച്ചിനെതിരായ വിജയത്തോടെ പ്ലേ ഓഫിൽ തങ്ങളുടെ സ്ഥാനം ഉറപ്പിക്കാൻ ശ്രമിക്കും. ഈ മാസം ആദ്യം ടൂർണമെന്റ് പുനരാരംഭിച്ചതിന് ശേഷം, എംഎസ് ധോണിയുടെ നേതൃത്വത്തിലുള്ള ടീം അവരുടെ മൂന്ന് മത്സരങ്ങളിലും വിജയിച്ചു. മറുവശത്ത്, കെയ്ൻ വില്യംസന്റെ നേതൃത്വത്തിലുള്ള ടീം പ്ലേ ഓഫ് സാധ്യതിയിൽ നിന്ന് പുറത്തായിട്ടുണ്ട്, അവരുടെ പത്ത് മത്സരങ്ങളിൽ രണ്ടെണ്ണം മാത്രമാണ് വിജയിച്ചത്.
The post IPL 2021, SRH vs CSK-Score Updates: അടിപതറി ഹൈദരാബാദ് ബാറ്റിങ് നിര; ചെന്നൈക്ക് 135 റൺസ് വിജയലക്ഷ്യം appeared first on Indian Express Malayalam.
