IPL 2021, KKR vs DC Score Updates: ഷാർജ: ഐപിഎല്ലിൽ ഇന്നത്തെ ആദ്യ മത്സരത്തിൽ ടോസ് നേടിയ കൊൽക്കത്ത നൈറ്റ് റൈഡേഴ്‌സ് ഡൽഹി ക്യാപിറ്റൽസിനെതിരെ ബൗളിങ് തിരഞ്ഞെടുത്തു. കഴിഞ്ഞ മത്സരം കളിച്ച ടീമിൽ മാറ്റങ്ങളുമായാണ് രണ്ടു ടീമുകളും ഇന്നിറങ്ങുന്നത്.
കൊൽക്കത്ത നിരയിൽ പ്രസീദ് കൃഷ്ണയ്ക്ക് പകരം മലയാളി ഫാസ്റ്റ് ബൗളർ സന്ദീപ് വാരിയർ ടീമിൽ എത്തി. പരുക്കേറ്റ ഓൾറൗണ്ടർ ആന്ദ്രേ റസലിനു പകരം ടിം സൗത്തിയെ പ്ലേയിങ് ഇലവനിൽ ഉൾപ്പെടുത്തി. ഡൽഹി നിരയിൽ പരുക്കേറ്റ ഓപ്പണർ പൃഥ്വിഷാക്ക് പകരം സ്റ്റീവ് സ്മിത്തിനെ ടീമിൽ ഉൾപ്പെടുത്തി.
പത്ത് മത്സരങ്ങളിലും നിന്നും എട്ട് പോയിന്റുമായി നാലാം സ്ഥാനത്താണ് കൊൽക്കത്ത. പത്ത് മത്സരങ്ങളിൽ നിന്നും 16 പോയിന്റുകളുള്ള ഡൽഹി രണ്ടാമതാണ്. മത്സരം ജയിച്ചാൽ ചെന്നൈയെ മറികടന്ന് ഡൽഹിക്ക് പോയിന്റ് പട്ടികയിൽ ഒന്നാമതാകാം. അഞ്ചാം ജയത്തോടെ പ്ലേ ഓഫ് സാധ്യത കൂടുതൽ ശക്തമാക്കാനാകും കൊൽക്കത്തയുടെ ശ്രമം.
ഡല്‍ഹി കാപിറ്റല്‍സ് പ്ലേയിങ് ഇലവൻ: ശിഖര്‍ ധവാന്‍, സ്റ്റീവന്‍ സ്മിത്ത്, ശ്രേയസ് അയ്യര്‍, റിഷഭ് പന്ത്, ഷിംറോണ്‍ ഹെറ്റ്മയേര്‍, ലളിത് യാദവ്, അക്‌സര്‍ പട്ടേല്‍, ആര്‍ അശ്വിന്‍, കഗിസോ റബാദ, ആന്റിച്ച് നോര്‍ജെ, ആവേഷ് ഖാന്‍.
കൊല്‍ക്കത്ത നൈറ്റ് റൈഡേഴ്‌സ് പ്ലേയിങ് ഇലവൻ: ശുഭ്മാന്‍ ഗില്‍, വെങ്കടേഷ് അയ്യര്‍, രാഹുല്‍ ത്രിപാഠി, ഓയിന്‍ മോര്‍ഗന്‍, നിതീഷ് റാണ, ദിനേശ് കാര്‍ത്തിക്, സുനില്‍ നരെയ്ന്‍, ലോക്കി ഫെര്‍ഗൂസണ്‍, ടിം സൗത്തി, വരുണ്‍ ചക്രവര്‍ത്തി, സന്ദീപ് വാര്യര്‍.
The post IPL 2021, KKR vs DC Score Updates: കൊൽക്കത്തയ്ക്ക് ടോസ്, ബൗളിങ് തിരഞ്ഞെടുത്തു; മലയാളി താരം ടീമിൽ appeared first on Indian Express Malayalam.
