അബുദാബി: ഐപിഎല്ലിൽ ഇന്നത്തെ ആദ്യ മത്സരത്തിൽ ടോസ് നേടിയ കൊൽക്കത്ത നൈറ്റ് റൈഡേഴ്സ് ചെന്നൈ സൂപ്പർ കിങ്സിനെതിരെ ബാറ്റിങ് തിരഞ്ഞെടുത്തു.കഴിഞ്ഞ മത്സരത്തിലെ ടീമിൽ മാറ്റങ്ങൾ ഇല്ലാതെയാണ് കൊൽക്കത്ത ഇറങ്ങുന്നത്. ചെന്നൈ ബ്രാവോക്ക് വിശ്രമം നൽകി സാം കറനെ ടീമിൽ ഉൾപ്പെടുത്തി. അബുദാബി സ്റ്റേഡിയത്തിലാണ് മത്സരം.
ഐപിഎല്ലിന്റെ രണ്ടാം ഘട്ടത്തിൽ തോൽവി വഴങ്ങാത്ത രണ്ടു ടീമുകളുടെ മത്സരമാണ് ഇന്ന്. പോയിന്റ് പട്ടികയിൽ രണ്ടാം സ്ഥാനത്തുള്ള ചെന്നൈ ഈ മത്സരം ജയിച്ചു ഒന്നാമതെത്താനായിരിക്കും ശ്രമിക്കുക. ഒമ്പത് മത്സരങ്ങളില് നിന്നും 14 പോയിന്റാണ് ടീമിനുള്ളത്. മറുവശത്ത് കൊല്ക്കത്ത നാലാം സ്ഥാനത്താണ്. ഒമ്പത് മത്സരങ്ങളിൽ എട്ട് പോയിന്റുള്ള മോര്ഗനും ടീമും ഇന്ന് ചെന്നൈയെ പരാജയപ്പെടുത്തുകയാണെങ്കിൽ റോയല് ചലഞ്ചേഴ്സ് ബാംഗ്ലൂരിനെ പിന്തള്ളി പട്ടികയിൽ മൂന്നാമതാകാം.
Also Read: IPL 2021: റെയ്നയെ ടീമില് നിന്ന് മാറ്റി നിര്ത്തണം; നിര്ദേശവുമായി സഞ്ജയ് മഞ്ജരേക്കര്
ചെന്നൈ സൂപ്പർ കിംഗ്സ് (പ്ലേയിംഗ് ഇലവൻ): ഋതുരാജ് ഗെയ്ക്വാദ്, ഫാഫ് ഡു പ്ലെസിസ്, മൊയീൻ അലി, അമ്പാട്ടി റായുഡു, സുരേഷ് റെയ്ന, എംഎസ് ധോണി (ഡബ്ല്യു / സി), രവീന്ദ്ര ജഡേജ, സാം കറൻ, ശർദുൽ താക്കൂർ, ദീപക് ചഹർ, ജോഷ് ഹേസൽവുഡ്
കൊൽക്കത്ത നൈറ്റ് റൈഡേഴ്സ് (പ്ലേയിംഗ് ഇലവൻ): ശുഭ്മാൻ ഗിൽ, വെങ്കിടേഷ് അയ്യർ, രാഹുൽ ത്രിപാഠി, ഇയോൻ മോർഗൻ (സി), നിതീഷ് റാണ, ദിനേശ് കാർത്തിക് (ഡബ്ല്യു), ആന്ദ്രെ റസ്സൽ, സുനിൽ നരെയ്ൻ, ലോക്കി ഫെർഗൂസൺ, വരുൺ ചക്കരവർത്തി, പ്രസീദ് കൃഷ്ണ
The post IPL 2021, CSK vs KKR: കൊൽക്കത്തയ്ക്ക് ടോസ്, ബാറ്റിങ് തിരഞ്ഞെടുത്തു; ഒരു മാറ്റവുമായി ചെന്നൈ appeared first on Indian Express Malayalam.
