നോർത്ത് കരോലിനയിലെ ആഷെവില്ലെയിലെ ഐസക് ഡിക്സൺ എലിമെന്ററി സ്കൂളിലെ അധ്യാപികയായ ബെറ്റ്സി സ്റ്റോക്സ്ലാഗർ ആണ് അവിശ്വസനീയം എന്ന് പറയേണ്ട വീഡിയോ ക്യാമെറയിൽ പകർത്തിയത്. “എന്റെ ദിവസം ധന്യമായി, ഇത് സ്കൂളിലെ കളിസ്ഥലം. അമ്മ കരടി എങ്ങനെ വലിയ സ്ലൈഡിലുടെ ആസ്വദിച്ചു ഇറങ്ങാം എന്ന് കരടിക്കുഞ്ഞിന് കാണിച്ചു കൊടുക്കുന്നു” ബെറ്റ്സി സ്റ്റോക്സ്ലാഗർ എഴുതി.
അമ്മ കരടി സ്ലൈഡിന് പുറകിലുള്ള സ്റ്റെപ്പിലൂടെ സ്ലൈഡിലേക്ക് കയറുന്നതാണ് വീഡിയോയുടെ തുടക്കത്തിൽ. എന്നിട്ട് കരടികുഞ്ഞിനോടും സ്റ്റെപ് കയറാൻ ആവശ്യപ്പെടുന്നു. അല്പം അന്ധാളിച്ചു നിൽക്കുന്നുണ്ട് എങ്കിലും ഒടുവിൽ കരടികുഞ്ഞും സ്റ്റെപ് കയറുന്നു. തുടർന്ന് അമ്മക്കരടി ഏറ്റവും വലിയ സ്ലൈഡിൽ കയറിയിരുന്ന് താഴേക്ക് ആസ്വദിച്ചിറങ്ങുന്നത് കാണാം. കരടികുഞ്ഞ് അതെ സമയം ചെറിയ സ്ലൈഡിന്റെ അടുത്തേക്ക് നീങ്ങുന്നു. ഇതേ സമയം താഴെയെത്തിയ അമ്മക്കരടി കുഞ്ഞ് കരടിയ്ക്ക് ആത്മവിശ്വാസം നൽകാൻ സ്ലൈഡിന്റ താഴെ ചെന്ന് നിൽക്കുന്നത് കാണാം. ഒടുവിൽ സ്ലൈഡിലേക്ക് കയറി ഇരുന്ന് അല്പം പേടിയുണ്ടെങ്കിലും കരടികുഞ്ഞ് ഉരുങ്ങി അമ്മയുടെ അടുത്തേക്ക്.
3.3 ലക്ഷത്തിലധികം പേരാണ് ഫേസ്ബുക്കിൽ പോസ്റ്റ് ചെയ്ത വീഡിയോ ഇതുവരെ കണ്ടിരിക്കുന്നത്. വ്യത്യസ്ത സോഷ്യൽ മീഡിയ പ്ലാറ്റ്ഫോമുകളിലുടനീളം വീഡിയോ പിന്നെയും ഷെയർ ചെയ്തിട്ടുണ്ട്. രസകരമായ പ്രതികാരങ്ങളാണ് വീഡിയോയ്ക്ക് കീഴെ കമന്റുകളായി പോസ്റ്റ് ചെയ്തിരിക്കുന്നത്. ഏറെക്കുറെ എല്ലാവരും ഒരു കാര്യം സമ്മതിക്കുന്നു. കരടിയെ വിലകുറച്ച് കാണരുത്, നല്ല ബുദ്ധിയുള്ള മൃഗമാണ് ഇവർ.
