“ഈഴവന് എവിടാ ജിഹാദ് പാവം. ആരാ പറഞ്ഞവൻ? അയാൾക്ക് തലയ്ക്ക് വല്ല കുഴപ്പവും കാണും. ഞാൻ അങ്ങനെ പറഞ്ഞെന്ന് അയാളെ വിളിച്ച് പറഞ്ഞേരെ. അയാളൊക്കെ കത്തനാരാണോ?, സഭയ്ക്ക് അപമാനം. പാവപ്പെട്ട ഈഴവ സമുാദയത്തെ അപമാനിച്ചു. ആ അച്ചൻ ക്ഷമ പറയണമെന്നാ ഞാൻ പറയുന്നേ” പിസി ജോർജ് പറഞ്ഞു. റോയി കണ്ണൻചിറ ക്ഷമ പറഞ്ഞെന്ന് മാധ്യമപ്രവർത്തകർ ചൂണ്ടിക്കാട്ടിയപ്പോൾ “ആ ഒരു അടിയും കൂടെ കൊടുക്ക്” എന്നും പിസി ജോർജ് കൂട്ടിച്ചേർത്തു.
Also Read :
ഇന്നലെ പാലാ ബിഷപ്പിന്‍റെ നാർകോട്ടിക് ജിഹാദ് പരാമർശത്തെ തള്ളി മുഖ്യമന്ത്രി നടത്തിയ വാദങ്ങൾക്കെതിരെയും പൂഞ്ഞാർ മുൻ എംഎൽഎ പ്രതികരിച്ചു. മുഖ്യമന്ത്രി പിണറായി വിജയന് എസ്ഡിപിഐ പേടി ആണെന്നും അതുകൊണ്ടാണ് ഇത്തരം പരാമർശങ്ങൾ നടത്തുന്നതന്നും അദ്ദേഹം ആരോപിച്ചു.
മുഖ്യമന്ത്രി ഇന്നലെ പറഞ്ഞത് അബദ്ധ ജടിലമായ പ്രസ്ഥാവന ആണെന്നാണ് പിസി ജോർജ് പറയുന്നത്. മതം മാറുന്ന എല്ലാവരും രജിസ്റ്റർ ചെയ്തിട്ട് ആണോ ചെയ്യുന്നത് പാവങ്ങളെ പ്രേമിച്ചു പൊന്നാനിയിൽ കൊണ്ട് പോയി മതം മാറ്റുകയാണ് ചെയ്യുന്നത് എന്ന് ജോർജ് ആരോപിച്ചു. “മുഖ്യമന്ത്രി കേരളത്തിന് അപമാനമാണ്. മതം മാറുന്നവര്‍ എല്ലാവരും സബ് രജിസ്റ്റാര്‍ ഓഫീസില്‍ പോയി രജിസ്റ്റര്‍ ചെയ്തിട്ടാണോ മതം മാറുന്നത്? മുഖ്യമന്ത്രി അവതരിപ്പിച്ച കണക്കുകള്‍ തെറ്റാണ്. മുഖ്യമന്ത്രി പള്ളിക്കൂടത്തില്‍ പോയിട്ടില്ലെന്ന് തോന്നുന്നു. പത്രം ഒന്നും വായിക്കില്ല” പിസി ജോർജ് പറഞ്ഞു.
Also Read :
പാലാ ബിഷപ്പിനെ പിണറായി തള്ളിപ്പറഞ്ഞ സാഹചര്യത്തിൽ ജോസ് കെ മാണി എൽഡിഎഫിനൊപ്പം ഇനി തുടരാന്‍ പാടില്ലെന്നും അദ്ദേഹം ആവശ്യപ്പെട്ടു. ജോസ് കെ മാണി രാജിവെച്ച് ഇറങ്ങിവരണം. അതാണ് മര്യാദ. അധികാരത്തിന്‍റെ അപ്പ കഷ്ണത്തിന് വേണ്ടി സഭയെ തള്ളി പറയുന്നത് ശരിയാണോ എന്ന് ജോസ് ആലോചിക്കണമെന്നും അദ്ദേഹം പറഞ്ഞു.
പ്രതിപക്ഷനേതാവ് വി ഡി സതീശന് എതിരെയും പിസി ജോർജ് രംഗത്ത് വന്നു. സതീശൻ ആണ് ഈ വിഷയം ഈ പരുവം ആക്കിയതെന്നും അദ്ദേഹം കുറച്ചുകൂടി ആത്മസംയമനം പാലിക്കണമായിരുന്നെന്നും പിസി ജോർജ് ആവശ്യപ്പെട്ടു. ഇന്ത്യയില്‍ കാശ്മീര്‍ കഴിഞ്ഞാല്‍ പിന്നെ കേരളത്തിലാണ് ഏറ്റവുമധികം കൂടുതല്‍ മയക്കുമരുന്ന് കേസുകള്‍ ഉണ്ടാകുന്നതെന്നും പിസി ജോര്‍ജ് ആരോപിച്ചു.
