പരിക്കേറ്റ സുബിനയെ ആശുപത്രിയിൽ പ്രവേശിപ്പിച്ചു. യുവതിയുടെ തലയ്ക്ക് പരിക്കേറ്റതായാണ് വിവരം. ബൈക്കിൽ എത്തിയ സംഘമാണ് അതിക്രമം നടത്തിയത്. പ്രതികൾക്കായി അന്വേഷണം ആരംഭിച്ചതായി പോലീസ് വ്യക്തമാക്കി. പ്രതികളെക്കുറിച്ചുള്ള വിവരങ്ങളൊന്നും പോലീസിന് ഇതുവരെ ലഭ്യമായിട്ടില്ല.
തിങ്കളാഴ്ച രാത്രി 11 മണിക്ക് ശേഷമാണ് സംഭവം ഉണ്ടായത്. ബൈക്കിൽ പിന്തുടർന്ന് എത്തിയ രണ്ട് പേർ യുവതിയുടെ തലയ്ക്കടിക്കുകയായിരുന്നു. അടിയുടെ ആഘാതത്തിൽ റോഡിനോട് ചേർന്ന ഒരു പോസ്റ്റിൽ തട്ടി വീഴുകയായിരുന്നു. റോഡിൽ വീണ യുവതിയോട് പ്രതികൾ സ്വർണാഭാരണങ്ങളും കൈയിലുള്ള പണവും ആവശ്യപ്പെട്ടു. പണവും സ്വർണവും കൈയിൽ ഇല്ലെന്ന് വ്യക്തമായതോടെയാണ് യുവതിയെ തട്ടിക്കൊണ്ട് പോകാൻ ശ്രമം നടത്തി. പ്രതികൾ സഞ്ചരിച്ച ബൈക്കിൽ കയറ്റി കൊണ്ട് പോകാനാണ് ഇവർ ശ്രമം നടത്തിയത്.
ഇതിനിടെ പ്രദേശത്തെത്തിയ പോലീസ് പെട്രോളിങ് വാഹനം കണ്ട് പ്രതികള്‍ രക്ഷപ്പെടുകയായിരുന്നു. പരിശോധനയിൽ പരിക്ക് ഗുരുതരമല്ലെന്ന് വ്യക്തമായി. ഇരുചക്ര വാഹനത്തിൽ പ്രതികൾ യുവതിയെ പിന്തുടരുന്ന ദൃശ്യങ്ങൾ പോലീസ് ശേഖരിച്ചു. യുവതിയുടെ വാഹനം കടന്ന് പോകുന്നതും പ്രതികൾ അതിവേഗം പിന്തുടരുന്നതുമാണ് ദൃശ്യങ്ങളിലുള്ളത്. പല സ്ഥലങ്ങളിൽ നിന്നായുള്ള സിസിടിവി ദൃശ്യങ്ങൾ പോലീസ് ശേഖരിക്കുന്നുണ്ട്.
തലയ്ക്കടിയേറ്റ സുബിന ആശുപതിയിൽ ചികിത്സയിലാണ്. പ്രദേശത്ത് ലഹരിമരുന്ന് ഉപയോഗം രൂക്ഷമാണെന്നും രാത്രി സമയങ്ങളിൽ പോലീസ് പെട്രോളിങ് കുറവാണെന്നും നാട്ടുകാർ ആരോപിക്കുന്നുണ്ട്.
