തൃശൂര് > കരിവന്നൂരില് നിന്ന് കാണാതായ യുവാവ് തിരിച്ചെത്തി. കരിവന്നൂര് സഹകരണ ബാങ്കിലെ ക്രമക്കേടുമായി ബന്ധപ്പെട്ട് പരാതി ഉന്നയിച്ച സുജേഷ് കണ്ണാട്ടിനെയാണ് കാണാതായതായി കഴിഞ്ഞ ദിവസം ബന്ധുക്കള് ആരോപിച്ചത്. എന്നാല് തിങ്കളാഴ്ച പുലര്ച്ചെ സുജേഷ് വീട്ടില് തിരിച്ചെത്തി. സംഭവത്തില് വന്ദുരൂഹത ആരോപിച്ച് മാധ്യമങ്ങള് വാര്ത്തകള് സൃഷ്ടിച്ചിരുന്നു.
കണ്ണൂരില് പോയതാണെന്നും മൊബൈല് ഫോണ് സ്വിച്ച് ഓഫായി പോയെന്നും സുജേഷ് പറഞ്ഞു. തന്റെ യാത്രയും ബാങ്കിലെ പ്രശ്നങ്ങളും തമ്മില് യാതൊരു ബന്ധവുമില്ല. വീട്ടുകാര് ഭയപ്പെട്ടതില് ഖേദിക്കുന്നുവെന്നും അദ്ദേഹം പറഞ്ഞു.
സുജേഷിനെ കാണാനില്ലെന്ന് ആരോപിച്ച് സഹോദരന് പൊലീസില് പരാതി നല്കിയിരുന്നു.
