ജില്ലാ സമ്മേളന സംഘാടക സമിതി യോഗം തുടങ്ങി അൽപ്പനേരം കഴിഞ്ഞെത്തിയ അനിൽ കുമാറിനെ വേദിയുടെ നടുവിൽത്തന്നെ ഇരിപ്പിടം നൽകിയാണ് സിപിഎം സ്വീകരിച്ചതെന്ന് മാതൃഭൂമി റിപ്പോർട്ട് ചെയ്തു. തോട്ടത്തിൽ രവീന്ദ്രൻ ചെയർമാനും എ പ്രദീപ് കുമാർ ജനറൽ കൺവീനറുമായ സംഘാടക സമിതിക്കാണ് രൂപം നൽകിയിരിക്കുന്നത്.
Also Read:
എളമരം കരീം, ടി പി രാമകൃഷ്ണൻ, മുഹമ്മദ് റിയാസ് അടക്കമുള്ള ഏഴംഗ സമിതിയിലാണ് കെ പി അനിൽ കുമാറിന് ഇടം ലഭിച്ചിരിക്കുന്നത്. ജനുവരി പത്ത് മുതൽ മൂന്ന് ദിവസങ്ങളിലായി കോഴിക്കോട് നളന്ദയിലാണ് സിപിഎം കോഴിക്കോട് ജില്ലാ സമ്മേളനം നടക്കുക.
Also Read:
അതേസമയം ചൊവ്വാഴ്ചയാണ് അനിൽ കുമാർ കോൺഗ്രസ് അംഗത്വം രാജിവെച്ച് സിപിഎമ്മിലെത്തിയത്. കോൺഗ്രസിൽ നിന്നും രാജിവെയ്ക്കുന്നതായി പ്രഖ്യാപിച്ചതിനു പിന്നാലെ എകെജി സെന്ററിലേക്കാണ് അനിൽ കുമാർ പോയത്. നേരത്തെ കോൺഗ്രസ് വിട്ട് സിപിഎമ്മിൽ ചേർന്ന പിഎസ് പ്രശാന്തിനൊപ്പമാണ് അനിൽകുമാർ ഏകെജി സെന്‍ററിൽ എത്തിയത്. ‘ആദ്യമായാണ് ഏകെജി സെന്‍ററിന്‍റെ പടി ചവിട്ടുന്നത്. വലതുകാല്‍ വച്ച് കയറുകയാണ്. അഭിമാനത്തോടെയും അന്തസോടെയുമാണ് സിപിഎമ്മുമായി സഹകരിക്കാന്‍ പോകുന്നത്. സിപിഎം ഉയര്‍ത്തുന്ന മതേതര മൂല്യങ്ങള്‍ കണ്ടില്ലെന്ന് നടിക്കാനാകില്ല. ഉപാധികളില്ലാതെയാണ് സിപിഎമ്മിലേക്ക് പോകുന്നതെന്നും’ അനില്‍കുമാര്‍ പറഞ്ഞു.
സിപിഎം മുൻ സംസ്ഥാന സെക്രട്ടറിയും പൊളിറ്റ്ബ്യുറോ അംഗവുമായ കോടിയേരി ബാലകൃഷ്ണൻ ചുവന്ന ഷാൾ അണിയിച്ചാണ് കെപി അനിൽകുമാറിനെ സ്വീകരിച്ചത്. കോൺഗ്രസ് വിട്ടുവരുന്നവർക്ക് അർഹമായ പരിഗണന നൽകും. കോൺഗ്രസിൽ ഉരുൾപ്പൊട്ടലാണെന്നും പാർട്ടിയിൽ അണികൾക്കുള്ള വിശ്വാസം നഷ്ടപ്പെട്ടെന്നും കോടിയേരി പറഞ്ഞു.
