ഷോര്‍ട്ട് സര്‍ക്യൂട്ടാണ് അപകടത്തിനു കാരണമായതെന്നാണ് പ്രാഥമിക നിഗമനം. എന്നാൽ അപകടത്തിൽ കെട്ടിടത്തിന് എന്തെല്ലാം നാശനഷ്ടങ്ങളുണ്ടായിട്ടുണ്ടെന്ന കാര്യത്തിൽ വ്യക്തതയില്ല. മലപ്പുറം തലട്ടക്കടത്തൂര്‍ സ്വദേശി പറമ്പത്ത് മുഹമ്മദ് ബഷീര്‍, പട്ടാമ്പി സ്വദേശി പുഷ്പതല എന്നിവരാണ മരിച്ചത്. പാലക്കാട് സ്വദേശിയയായ അക്ബാര്‍ അലി, മണ്ണാര്‍കാട് സവദേശി റിയാസ് എന്നിവര്‍ക്ക് പരിക്കേറ്റിട്ടുണ്ടെങ്കിലും ഇവരുടെ നില ഗുരുതരമല്ലെന്നാണ് റിപ്പോര്‍ട്ടുകള്‍. തീപിടുത്തമുണ്ടായ കെട്ടിടത്തിനുള്ളിൽ ഒരാള്‍ കുടുങ്ങിക്കിടക്കുന്നുണ്ടെന്നായിരുന്നു ആദ്യം കിട്ടിയ വിവരമെങ്കിലും ഫയര്‍ ഫോഴ്സെത്തി തീയണച്ചതോടെ രണ്ട് പേരുടെ മരണം സ്ഥിരീകരിക്കുകയായിരുന്നു.
Also Read:
കെട്ടിടത്തിൻ്റെ താഴത്തെ നിലയിലാണ് അപകടമുണ്ടായ മസാനി റെസ്റ്റൊറൻ്റ് പ്രവര്‍ത്തിക്കുന്നത്. ഇവിടെ നിന്ന് മുകള്‍നിലകളിലേയ്ക്ക് തീ പടരുകയായിരുന്നു. തീപിടുത്തമുണ്ടായ ഉടൻ തന്നെ കെട്ടിടത്തിൽ നിന്ന് എല്ലാവരെയും പുറത്തിറക്കിയെന്നാണ് കരുതിയിരുന്നത്. എന്നാൽ തീ പൂര്‍ണമായും അണച്ച ശേഷം കെട്ടിടത്തിൽ പരിശോധന നടത്തിയപ്പോള്‍ രണ്ട പേരെ മരിച്ച നിലയിൽ കണ്ടെത്തുകയായിരുന്നു.
Also Read:
അപകടസ്ഥലത്തെത്താൻ വൈകിയെന്ന് ഇതിനിടെ ഫയര്‍ഫോഴ്സിനെതിരെയും ആരോപണം ഉയര്‍ന്നു. നഗരസഭാ ചെയര്‍മാൻ ഫായിദ ബഷീര്‍ ആണ് ആരോപണവുമായി രംഗത്തെത്തിയത്. ഹോട്ടലിൻ്റെ ഉടമകളിൽ ഒരാള്‍ കൂടിയാണ് ഇവര്‍. എന്നാൽ വിവരം ലഭിച്ച് ഒരു മണിക്കൂറിനുള്ളിൽ സ്ഥലത്തെത്താൻ കഴിഞ്ഞെന്നാണ് ഫയര്‍ ഫോഴ്സ് പറയുന്നത്.
