വിവാഹ ഘോഷയാത്രയിൽ വധൂവരന്മാരുടെ മുൻപിൽ പൂവുമായി വരുന്ന കുഞ്ഞു കുട്ടികളെ (ഫ്ളവർ ഗേൾസ്) കാണാൻ തന്നെ നല്ല ഭംഗിയാണ്. ഏറ്റവും അവിസ്മരണീയമായ കാഴ്ചയാണ് ഇതൊരുക്കുന്നത്. അതേ സമയം ഈ രീതിയെ ആകെപ്പാടെ മാറ്റിയിരിക്കുകയാണ് ഒരു യുവദമ്പതികൾ. പൂക്കളുമായി ക്ഷണിക്കപ്പെട്ടവർക്കിടയിലേക്ക് എത്തുന്ന ഫ്ളവർ ഗേളിന് പകരം വിവാഹത്തിൽ പങ്കെടുക്കുന്നവർക്കിടയിൽ ബിയർ വിതരണം ചെയ്യാൻ ഒരു ” ആണ് വധൂവരന്മാർ നിയമിച്ചത്.
വിവാഹത്തിൽ പങ്കെടുത്തവർക്ക് ബിയർ ക്യാൻ കൈമാറുന്ന ബിയർ ബോയുടെ വീഡിയോ വരനായ ബ്രണ്ടൻ ഡെകെമ്പ് തന്നെയാണ് ടിക് ടോക്കിൽ പോസ്റ്റ് ചെയ്തത്. തണുത്ത ബിയർ കുപ്പികളാണ് ട്രേയിൽ ബിയർ ബോയ് ആയി വന്ന യുവാവ് ക്ഷണിക്കപ്പെട്ടവർക്ക് നൽകിയത്. ഫ്ളവർ ഗേൾ നടക്കുന്നതുപോലെ പ്രത്യേക വസ്ത്രം ധരിച്ചല്ല. പകരം ഒരു ഷർട്ടും ഷോട്സുമാണ് ബിയർ ബോയുടെ വേഷം.
6 ദശലക്ഷത്തിലധികം പേരാണ് ടിക് ടോക്കിൽ വീഡിയോ കണ്ടത്. കണ്ടവരിൽ പലരും ബിയർ ബോയ് നിയമിച്ചത് കൊള്ളാം എന്നും തങ്ങളുടെ വിവാഹത്തിനും ബിയർ ബോയിയെ നിയമിക്കും എന്നുമാണ് കമന്റ് ചെയ്യുന്നത്. “ഈ കല്യാണം നിങ്ങൾ രണ്ടുപേരും ആഗ്രഹിച്ചതുപോലെ തന്നെയായിരുന്നു. അത് നല്ലതാണ്. ഗംഭീരം!” ജോർജ് ഡേവിഡ് പറഞ്ഞു. ‘ഇത് കാലഘട്ടത്തിന്റ ആശയമാണ്’ മറ്റൊരാളുടെ കമന്റ്.
