നൗകാമ്പ്
ബാഴ്സലോണയിൽ ലയണൽ മെസിയുടെ 10–-ാംനമ്പർ കുപ്പായത്തിന് പിൻഗാമിയായി. പതിനെട്ടുകാരൻ അൻസു ഫാറ്റി ഇനി ബാഴ്സയുടെ 10–-ാംനമ്പറുകാരനാകും. 13 സീസണിൽ മെസി 10–-ാംനമ്പറിലാണ് ബാഴ്സയ്ക്കായി കളിച്ചത്. അർജന്റീനക്കാരൻ പിഎസ്ജിയിലേക്ക് ചേക്കേറിയതോടെയാണ് 10–-ാംനമ്പർ ഒഴിവുവന്നത്.
പടിഞ്ഞാറൻ ആഫ്രിക്കൻ രാജ്യമായ ഗിനിയ ബിസാവുവിൽ ജനിച്ച ഫാറ്റി മെസിക്കുസമാനമായി ബാഴ്സയുടെ ലാ മാസിയ അക്കാദമിയിൽനിന്നാണ് കളി പഠിച്ചത്. സ്പാനിഷ് പൗരത്വം സ്വീകരിച്ച് സ്പെയ്നിനായാണ് മുന്നേറ്റക്കാരൻ കളിക്കുന്നത്. ബാഴ്സയ്ക്കായി 43 കളിയിൽ 13 ഗോളടിച്ചു.
