ചിലർ പങ്കെടുക്കാത്തവരോട് ചെയ്തത് മോശമായി എന്ന് വിളിച്ചു പറയും. എന്നാൽ ജമൈക്കയിൽ ഒരു വധു ചെയ്തതെന്തെന്നോ? പങ്കെടുക്കാൻ സാധിക്കില്ല എന്ന് അറിയിക്കാതെ മുങ്ങിയവർക്ക് 240 ഡോളർ അടക്കണം എന്ന് കാണിച്ച് ബില്ലയച്ചു. ഹഫിംഗ്ടൺ പോസ്റ്റിലെ സീനിയർ ഫ്രണ്ട് പേജ് എഡിറ്റർ ഫിലിപ്പ് ലൂയിസ് ബില്ലിന്റെ വിശദാംശങ്ങൾ ട്വിറ്ററിൽ പോസ്റ്റ് ചെയ്തത്.
വിവാഹ ദിവസത്തിൽ ക്ഷണിക്കപ്പെട്ട വ്യക്തിയ്ക്കായി മാറ്റിവച്ച സ്ഥലം, ഭക്ഷ വിഭവങ്ങൾ, മറ്റ് ക്രമീകരണങ്ങൾ എന്നിവ വെറുതെയായതിൽ പ്രതിഷേധിച്ചാണ് 240 ഡോളറിൻ്റെ (ഏകദേശം 17,700 രൂപ) ബിൽ നവവധു വിവാഹത്തിൽ പങ്കെടുത്തക്കാത്തവർക്ക് അയച്ചത്. അതെ സമയം വിവാഹത്തിൽ പങ്കെടുക്കാൻ ബുദ്ധിമുട്ടുണ്ട് എന്ന് മുൻകൂട്ടി അയച്ചവരെ വധു ഒഴിവാക്കിയിട്ടുണ്ട്.
ജമൈക്കയിലെ നെഗ്രിലിലുള്ള ഒരു റിസോർട്ടായ റോയൽട്ടൺ നെഗ്രിലിൽ ആണ് വിവാഹ സൽക്കാരം നടന്നത്. ഒരാൾക്ക് 120 ഡോളർ ആണ് ചിലവായി കണക്കാക്കിയത്. രണ്ട് അതിഥികൾ (ഒരു കുടുംബം) ഹാജരാകാത്തതിനാൽ, വൈറലായ ബില്ലിലെ വ്യക്തി 240 ഡോളറാണ് നവവധുവിന്‌ നൽകേണ്ടത്. ഓഗസ്റ്റ് 18-ന് അയച്ച ബില്ലിൽ ഒരു മാസത്തിനകം പണം അടക്കണം എന്നും രേഖപ്പെടുത്തിയിട്ടുണ്ട്.
ബില്ലിലെ കുറിപ്പിൽ എഴുതിയിരിക്കുന്നത് ഇങ്ങനെ, “അവസാനവട്ട കണക്കിൽ വിവാഹ റിസപ്ഷനിൽ നിങ്ങൾ പങ്കെടുക്കും എന്ന് സ്ഥിരീകരിച്ചതിനാലാണ് നിങ്ങൾക്ക് ഈ ബിൽ അയയ്ക്കുന്നത്. മുകളിലുള്ള തുക നിങ്ങളുടെ സീറ്റുകളുടെ വിലയാണ്. നിങ്ങൾ ഹാജരാകില്ലെന്ന് വിളിച്ചു പറയാതിരുന്നാൽ നിങ്ങളുടെ സീറ്റിനായി മുൻകൂറായി അടച്ചതിന് ഈ തുക നിങ്ങൾ ഞങ്ങൾക്ക് കടപ്പെട്ടിരിക്കുന്നു. നിങ്ങൾക്ക് Zelle അല്ലെങ്കിൽ PayPal വഴി പണമടയ്ക്കാം. ദയവായി ഞങ്ങളെ ബന്ധപ്പെടുക, നന്ദി”.
