ഗ്രേസ് മാർക്ക് ഒഴിവാക്കിയ സർക്കാർ നടപടി വിദ്യാർത്ഥികളും കെ എസ് യുവുമാണ് കോടതിയിൽ ചോദ്യം ചെയ്തത്. ചീഫ് ജസ്റ്റിസ് അധ്യക്ഷനായ ബെഞ്ചാണ് ഹർജി തള്ളിയത്. എട്ട്, ഒമ്പത് ക്ലാസുകളിൽ നൽകിയ ഗ്രേസ് മാർക്ക് പത്താം ക്ലാസ് വിദ്യാർത്ഥികൾക്ക് നൽകണമെന്നായിരുന്നു ആവശ്യം.
വിദ്യാർത്ഥികളുടെ മുൻ വർഷത്തെ പാഠ്യേതര പ്രവർത്തനങ്ങളുടെ ശരാശരി നോക്കി ഗ്രേസ് മാർക്ക് നൽകാമെന്നായിരുന്നു എസ്ഇആർടിയുടെ ശുപാർശ. ഇത് തള്ളിക്കൊണ്ടാണ് ഗ്രേസ് മാർക്ക് സർക്കാർ തീരുമാനമെടുത്തത്.
കൊവിഡ് മൂലം സ്കൂളുകൾ പ്രവർത്തിക്കാത്തതിനാൽ പഠന സമയം നഷ്ടമായിട്ടില്ലെന്നും പാഠ്യേതര പദ്ധതികൾ നടന്നിട്ടില്ലെന്നും ഈ സാഹചര്യത്തിൽ ഗ്രേസ് മാർക്ക് നൽകേണ്ടെന്നുമാണ് സർക്കാരിന്റെ നിലപാട്.
എൻസിസി, സ്കൗട്ട് ആൻറ് ഗൈഡ്സ്, സ്റ്റുഡന്റസ് പൊലിസ് കേഡറ്റ്സ് വിദ്യാർത്ഥികൾക്ക് ഹയർ സെക്കന്ററി പ്രവേശനത്തിന് രണ്ട് ബോണസ് പോയിന്റുകൾ നൽകുമെന്നാണ് സർക്കാർ ഹൈക്കോടതിയെ അറിയിച്ചത്. വിദ്യാർത്ഥികളുടെ ഗ്രേഡിനൊപ്പം ബോണസ് പോയിന്റുകൾ നൽകും. കോടതി നിർദ്ദേശത്തെത്തുടർന്ന് അധിക സത്യവാങ്മൂലത്തിലാണ് സർക്കാർ ഇക്കാര്യം വ്യക്തമാക്കിയത്.
