മണ്ണാർക്കാട് > പതിനാറുകാരിയെ കഴുത്തിൽ തുണി ചുറ്റി കൊല്ലാൻ ശ്രമം. പെൺകുട്ടിക്ക് ഗുരുതര പരിക്ക്. അയൽവാസിയായ യുവാവ് ഒളിവിൽ. സംഭവത്തിൽ ജംഷീർ (19) എന്ന യുവാവിനെ പൊലീസ് കസ്റ്റഡിയിൽ എടുത്തു.
കോട്ടോപ്പാടം തിരുവിഴാംകുന്ന് മലേരിയത്ത് മദ്രസയ്ക്കടുത്ത് ചൊവ്വാഴ്ച പുലർച്ചെ മൂന്നിനാണ് സംഭവം. പെൺകുട്ടി ഉറങ്ങുന്നതിനിടെ മുറിയിലെത്തിയാണ് ആക്രമണം. ശബ്ദം കേട്ട് വന്ന മുത്തശ്ശിയെ ആക്രമിച്ച് യുവാവ് രക്ഷപ്പെട്ടു.
സംഭവ സമയത്ത് പെൺകുട്ടിയും ഇളയ സഹോദരനും മുത്തശ്ശിയും മാത്രമാണ് വീട്ടിലുണ്ടായിരുന്നത്. ഗുരുതരാവസ്ഥയിലായ പെൺകുട്ടി പെരിന്തൽമണ്ണയിലെ സ്വകാര്യ ആശുപത്രിയിൽ ചികിത്സയിലാണ്. ബന്ധുക്കളുടെ പരാതിയിൽ മണ്ണാർക്കാട് പൊലീസ് കേസെടുത്തു.
