കാബൂള് > കാബൂള് വിമാനത്താവളത്തില് അജ്ഞാതരുടെ വെടിവെയ്പ്. ആക്രമണത്തില് ഒരു സുരക്ഷാ ഉദ്യോഗസ്ഥന് കൊല്ലപ്പെട്ടു. മൂന്ന് പേര്ക്ക് പരിക്കേറ്റു. വിമാനത്താവളത്തിന്റെ നോര്ത്ത് ഗേറ്റിലായിരുന്നു വെടിവെയ്പ്. വിമാനത്താവളത്തിന്റെ സുരക്ഷാചുമതലയിലുണ്ടായിരുന്ന അഫ്ഗാന് പൗരനാണ് കൊല്ലപ്പെട്ടതെന്നാണ് സൂചന.
വിദേശ സൈനികര്ക്ക് നേരെയും ആക്രമണമുണ്ടായതായി അന്തര്ദേശീയ മാധ്യമങ്ങള് റിപ്പോര്ട്ട് ചെയ്തു. പരിക്കേറ്റവരില് യുഎസ്, ജര്മന് സൈനികരുമുണ്ട്. പതിനായിരക്കണക്കിന് ആളുകള് രാജ്യം വിടാനായി വിമാനത്താവളത്തില് തടിച്ചുകൂടി നില്ക്കുകയാണ്. ആള്ക്കൂട്ടത്തിനിടയില് നിന്നാണ് വെടിയുതിര്ത്തതെന്നാണ് റിപ്പോര്ട്ടുകള്.
